1 Gai Moses ma de gau Israel alodahi ne daahili ange gi Tagi Maolunga i taahili nei, ga hai ange,
2 Go Tagi Maolunga ogu mahi ma dagu daahili,
3 Tagi Maolunga se daane dau i de hebagi,
4 Ia gu maga ange hada hebagi o Pharaoh
5 De vai gelo gu haoli gilaadeu;
6 Tagi Maolunga, doo lima madau e mmahi mmao;
7 Doo mahamaha laumalie gu hagadee kii
8 Koe ne busi i luoo bongaa usu
9 De hagadaumee ne hagadaba,
10 Koe ne busi i de madangi o dau manava,
11 Tagi Maolunga, goai e bei oo dagodo i magavaa o denga diinonga?
12 Koe ne haalo doo lima madau,
13 Koe gu dagi de huaadangada aau gu hagaola i doo abodonu.
14 Denga huaadangada e maatagu naa i delaadeu langona mee nei;
15 Denga dagi o Edom e puni ange naa olaadeu lodo,
16 gilaadeu e maatagu naa ma de manavasaa mmao.
17 Koe e kave naa gilaadeu ga hagannoho i honga doo mounga donu;
18 Tagi Maolunga e dagi naa donu
19 De masavaa o denga hoosa a Pharaoh ma hada hebagi aama denga daane e saavini ai ne loiho gi lo te vai, gai Tagi Maolunga ga hagaahe mai denga vai ga haoli ai gilaadeu. Gai de gau Israel ne seesee ga hulo i honga de gelegele mmasa i lo te ungaalodo o de vai.
20 Gai de pelaabisi go Miriam, taina hahine o Aaron, ne dagidagi dana \+w tambourine\+w* i lo tono lima; gai denga haahine alodahi ga daudali ange i de ia ma alaadeu tambourine, gai gilaadeu ga hagadangidangi ma de aanu.
21 Gai Miriam ne daahili ga hagadaba:
22 Dua mee laa, gai Moses ga dagi de gau Israel mai i Tai Mmea ga hulo ai gi de vao go Shur; gai gilaadeu ne seesee i de vao laa e dolu laangi, gai teai alaadeu vai ne gide e unu ai.
23 Gai de masavaa huu olaadeu ne tae ai gi Marah, gai gilaadeu tee maua i de unu vai i Marah, go hiidinga e mmala vai iai; deelaa ai, de mommee laa gu hagaingoo ange go Marah.
24 Gai dangada ga nnanu i Moses, ga ssili ange, “Ni aha naa donu amaadeu e unu?”
25 Gai Moses ne dalodalo ange gi Tagi Maolunga, gai Tagi Maolunga ga hagaago ange gi de ia dahi bido laagau. Gai ia ga maga ange de laagau laa gi lo te vai, gai vai laa gu danuaa i de unu.
26 Ia ne hai ange, “Noo goodou e kana ange e hagallongo muna a Tagi Maolunga doodou Maadua, ma de hai hegau i de mee heohi i mada luoono mada, noo goodou hagallongo ange gi ana hainga ma de daudali i ana hainga gu hagasauaa alodahi, gai au e dee gaamai naa gi goodou denga hagadaagangaa magi aagu ne gaavange laa gi de gau Egypt, i hiidinga go au donu go Iahweh e hagaieiangi ina goodou.”
27 Gai gilaadeu ga hulo gu tae gi Elim, go de mommee iai laa e madaangahulu ma lua vai geli ma e madahidu \+w palm\+w*. Gai gilaadeu ga hagatuu olaadeu hale gaainga i gaogao de vai i kilaa.