1 Gai au ne ahe ange hogi ga tilo de vaivai haia o dangada i lalo de laa.
2 Au ne tuhi de gau maakau,
3 Aagai tangada e danuaa ange i gilaau ngaadahi
4 Au ne gidee hogi bolo hegau alodahi ma denga hegau labagau alodahi ne hai i hiidinga de lodo gaiaa o tangada i tangada ange laa. De mee nei e deai hogi ono haigamaiana, gai e bei de ngadi doolohi a tangada de madangi.
5 Tangada lodo senga e ngadi noho donu huu ga hagapogo luoono lima,
6 De lima e honu laa i de noho baba,
7 Au ne gidee ange hogi hanu mee deai olaadeu haigamaiana i lalo de laa:
8 E dahi dangada e noho sogosogo,
9 Dogolua dangada e danuaa ange i dahi dangada sogosogo,
10 Gai noo dahi gilaau gu baguu,
11 E bei ai hogi, noo e dogolua dangada e hebaa ma e daakodo ai,
12 Tangada sogosogo e maua gi hagadee kii ina,
13 Tama daane hagaau aloha heiangi e danuaa ange i dahi hodooligi madumadua lodo senga gu dee maua laa i de hagallongo dahi muna e hagakana ange,
14 e dee galemu be tama daane laa ne sao mai i lo te hale pono ga hodooligi, aabe ia ne haanau i dono nohoanga hodooligi ga hagaau aloha.
15 Au ne gidee bolo alodahi e mouli laa ma de seesee i lalo de laa ne daudali ange i dahi gauligi, go de ia ne gaavee tuulanga o de hodooligi.
16 Gai e soa dangada aana e dagi. Aagai dangada e loomai i ono dua e dee malangilangi i de ia. Ni muna abodonu, de mee nei e deai hogi ono haigamaiana, gai e bei de ngadi doolohi a tangada de madangi.