1 Denga lango maakau e hai ga pilo de vai hagamanongi,
2 Lodo o tangada heiangi e dagi ia gi de madau,
3 Gai ga seesee naa donu tangada lodo senga i honga de haiava, gai ia e senga,
4 Noo dahi dagi gu lili i de goe, gai koe aude dilia doo duulanga,
5 Au gu gidee dahi mee baubau i lalo de laa,
6 denga duulanga maolunga gu gaavange gi de gau llodo ssenga,
7 Au gu gidee de gau hai hegau i honga hoosa,
8 Be goai e gelia dahi geelinga e doo ange naa gi ono lodo,
9 Be goai e hoda ina denga hadu e lagolagohia naa i denga hadu;
10 Noo de hagadaguu e madagabubu,
11 Noo dahi labodo hagammau e kadi tangada i mua de hai gi dala,
12 Muna a tangada heiangi e hai gi malangilangi dangada i de ia,
13 Ana muna i taamada ni muna lodo senga;
14 Tangada lodo senga e lagolago ana muna e tala.
15 Hegau a tangada lodo senga e hagadalea donu huu ia,
16 E vakaa naa de henua noo dono hodooligi se gauligi,
17 E manuuia de henua noo dono hodooligi se dangada aamua abodonu,
18 Noo tangada e vaiduu, gai laagau o de hale gu pobo,
19 Denga gai ne hai gi kada dangada,
20 Koe gi dee hagamalaia ina de hodooligi i oo lodo,