1 ¡Nochi tlaltipactli ma paqui pampa TOTECO tlanahuatía!
2 Mixtli huan tzintlayohuilotl quiyahualojtoc Toteco.
3 Iixpa tlayacanti se tlitl catli quintzontlamiltía icualancaitacahua.
4 Nopa tlapetlanilotl catli yaya quititlani quitlahuilía nochi tlaltipactli.
5 Nochi tepeme atiyaj quen cera iixpa TOTECO catli iaxca nochi tlaltipactli.
6 Ilhuicactli tlayolmelahua para Toteco xitlahuac tetlajtolsencahua.
7 Ma mopinahuaca nochi catli quinhueyichihuaj teteyome,
8 TOTECO, nopa altepetl Jerusalén huan nochi altepeme ipan tlali Judá quipiyaj paquilistli ica motlamachtil.
9 Pampa ta, tiTOTECO, tijnahuatía nochi tlaltipactli,
10 TOTECO quinicnelía nochi catli quicualancaitaj catli amo cuali.
11 Catli xitlahuac ininnemilis nemi ipan itlahuil Toteco,
12 Xipaquica ipan TOTECO nochi amojuanti catli anitztoque xitlahuac iixpa.