1 Toteco Dios, ¿para tlen techtlahuelcajtoc para nochipa?
2 Xiquelnamiqui para tojuanti timomasehualhua catli timocohui huejcajya quema titetequipanohuayayaj san tlapic.
3 Xihuala xiquitaqui quen quitlamisosolojtoque nopa altepetl,
4 Nopona tzajtzique mocualancaitacahua ica paquilistli quema tlasosolojque.
5 Hualajque ica ininhachas huan huejhueyi martillos hasta nesiyaya quen cuajcuahuini tlatlajco cuatitlamitl.
6 Huan ama ica ininteposhua quitlapanque huan quisosolojtoque nochi tlamantli catli ica tlayejyecchijtoyaj motiopa.
7 Quena, motiopa quitlatijque,
8 Huan quiijtojque ipan ininyolo:
9 Ayacmo onca niyon se tlamantli catli quinextía para timomasehualhua.
10 Toteco Dios, ¿hasta quema tlamis mitzmahuispolohuaj mocualancaitacahua?
11 ¿Para tlen tihuejcahua para techpalehuis?
12 Hasta tlen huejcajya Toteco Dios itztoya notlanahuatijca.
13 Ica mochicahualis tijxelo hueyi atl.
14 Tijtzonxamani nopa hueyi tlapiyali catli itoca leviatán,
15 Tijchijqui ma meya atl ipan huejhueyi amelme huan para hueyame ma quipiyaca atl.
16 Ta moaxca tonali huan yohuali.
17 Ta tijtamachijqui hasta canque tlamis tlaltipactli.
18 TOTECO, xiquita quenicatza mitzmahuispolohuaj mocualancaitacahua,
19 ¡TOTECO, amo techtlahuelcahua!
20 ¡Xiquelnamiqui nopa camanal sencahuali catli tijchijtoc tohuaya!
21 Amo xijcahua para tlatoctzitzi ma techmahuispoloca tojuanti catli tijpanotoque miyac tlaohuijcayotl.
22 Toteco Dios, ximotlanana huan ximomanahui ica catli quiijtohuaj mocualancaitacahua.
23 Amo xiquelcahua quenicatza mitztelchijtoque mocualancaitacahua,