1 ¡TOTECO, na san ipan ta nimotemachijtoc!
2 ¡Techmanahui tlen nocualancaitacahua,
3 Nochipa san nimotlatijtoc huan nimotemachijtoc ipan ta para amo nechajsise nocualancaitacahua.
4 NoTeco Dios, techmanahui ininmaco ni mosisinijca tlacame huan temictiani.
5 TOTECO, ta catli titoTeco, san ipan ta nimotlatzquilijtoc,
6 Ta nochipa tiitztoc nohuaya hasta quema noja niitztoya iijtico nonana.
7 Miyac san nechsentlachilíaj pampa quiitaj quenicatza techmocuitlahuía.
8 Semilhuitl nimitzpaquilismacas huan nimitzhueyimatis por nochi catli techchihuilijtoc.
9 Amo techtlahuelcahua ama quema ya nihuehuentzi huan ayacmo nijpiya fuerza.
10 Pampa nocualancaitacahua nechejelnamiquij,
11 Huan quiijtohuaj:
12 ¡Toteco Dios, amo ximohuejcachihua tlen na!
13 Xiquinpinahualti huan xiquintzontlamilti nopa nocualancaitacahua catli quinequij nechchihuilise catli fiero.
14 Pero na más nimotemachis mopan ta para techpalehuis.
15 Nochi masehualme niquinilhuis para san ta ticuali huan niquinpohuilis quenicatza techmanahuijtoc,
16 Nochi tonali ninejnemi ica nopa chicahualistli catli techmaca, TOTECO, ta catli tinoDios.
17 ¡Toteco Dios, ta techpalehuijtoc hasta quema noja nieliyaya niconetzi!
18 ¡Toteco Dios, ama quema ya nihuehuentzi huan nitzonchipahuac,
19 Toteco Dios, mochicahualis huan catli xitlahuac tijchihua onajsi hasta ilhuicac.
20 Ta techcahuilijtoc ma nijpano huejhueyi tlaohuijcayotl huan tequipacholi.
21 Huan huajca achi más techhueyitlalis huan sempa techyoltlalis.
22 Huan na nimitzpaquilismacas ica tlatzotzonali tlen arpa huan guitarra.
23 Ica paquilistli nitzajtzis huan nihuicas para niteilhuis quenicatza techmaquixtijtoc.
24 Semilhuitl nitepohuilis para ta tijchihua catli xitlahuac,