1 Na san ipan Toteco Dios nimochiya para yaya ma nechmanahui,
2 Nimotlatía ipan ya para amo tleno nechajsis.
3 Pero ¿hasta quema tlamis nocualancaitacahua nechhuilanase?
4 Quena, san moilhuíaj san sejco quenicatza huelis nechtzontlamiltise.
5 Pero na san nimochiya ipan Toteco Dios,
6 Nimotlatía ipan ya para amo tleno nechajsis.
7 San Toteco Dios hueli nechmaquixtis huan sempa nechhueyitlalis iniixpa sequinoc.
8 ¡Annomasehualhua, nochipa ximotemachica ipan Toteco Dios!
9 Amo tleno nelía ininpati masehualme iixpa Toteco,
10 Masehualme, amo ximoilhuica para antlahuilanase para anquitlanise más tomi.
11 Nijmati ya ni, pampa miyac hueltas Toteco Dios nechilhuijtoc:
12 San ta, Toteco, titeicnelía mojmostla.