1 Nochi anmasehualme ximomatlajtlaxcaloca.
2 Pampa TOTECO yaya catli más hueyi huan temajmati.
3 Quintzontlamilti pilaltepetzitzi toixpa huan quitlalijtoc nochi tlalme tomaco para tiquinnahuatise.
4 Yaya quitlapejpenijtoc ni tlali para techaxcatis.
5 Toteco Dios tlejcotoc campa tlanahuatía.
6 Xihuicaca tiohuicatl para ma tijpaquilismacaca Toteco Dios.
7 Toteco Dios, yaya nopa tlanahuatijquetl catli quinahuatía nochi ni tlaltipactli.
8 Toteco Dios mosehuijtoc ipan isiya tlatzejtzeloltic,
9 Nopa huejhueyi masehualme catli quipiyaj tlanahuatili ipan campa hueli tlali ipan ni tlaltipactli mosansejcotilíaj tohuaya.
10 Iaxca ya nochi tlanahuatiani huan ininsoldados campa hueli ipan tlaltipactli,