1 Toteco Dios, tijcactoque tlaque techpohuilijtoque tohuejcapan tatahua tlen ta,
2 Quena, Toteco Dios, ica mohueyi chicahualis ta tiquintojtocac nopa fiero masehualme catli quinhueyichihuayayaj teteyome ipan nopa tlali,
3 Tohuejcapan tatahua amo quitlanque nopa tlali ica ininmachete, niyon ica ininchicahualis.
4 Ta tinotlanahuatijca huan tinoTeco Dios.
5 Quena, ica motlapalehuil tiquintlanise tocualancaitacahua.
6 Pampa amo timotemachíaj ipan tocuahuitol huan tomachete para ma techmanahuica huan titlatlanise.
7 Eltoc ta, Toteco, catli tijchihua ma tiquintlanica tocualancaitacahua.
8 Mojmostla timitzpaquilismacase tinoTeco Dios.
9 Pero amantzi eltoc quen techtlahuelcajtoc huan techpinahualtijtoc.
10 Tijchijqui ma ticholoca iniixpa tocualancaitacahua.
11 Techtemactilijtoc quen tipilborregojtzitzi catli san quichiyaj para quinhuicase campa quinmictise.
12 Technemacatoc timomasehualhua ica nelquentzi quen amo tleno topati elisquía.
13 Nochi masehualme ipan nopa tlalme catli itztoque tonechca quiitaque catli techchihuilijtoc.
14 Tijchijtoc para inijuanti catli quinhueyichihuaj tlaixcopincayome ma toca huetzcaca.
15 Mojmostla toixpa eltoc nopa pinahualistli hasta tijnequisquíaj timoixtzacuase,
16 pampa techtlaijilhuíaj huan techhuetzquilíaj nopa motlacuepilijca masehualme.
17 Nochi ni tlamantli topantitoc,
18 Amo timoiyocatlalijtoque tlen ta,
19 Pero techtlahuelcajtoc campa amo aqui itztoc,
20 Toteco Dios, sintla timitzelcajtosquíaj,
21 ta tijmajtosquía,
22 Pero masque amo tleno tijchijtoque,
23 ¡Toteco ximotlanana!
24 ¿Para tlen timoixtlatía?
25 Techtlahuisojtoque hasta tlalchi.
26 ¡Ximotlanana, Toteco!