1 Xihuicaca ica paquilistli para TOTECO amojuanti catli anitztoque xitlahuac iixpa.
2 Xitlatzotzonaca ica arpa para xijhueyichihuaca, TOTECO.
3 Xijsencahuaca se huicatl catli yancuic,
4 Pampa nelía xitlahuac nochi catli quiijtohua TOTECO.
5 TOTECO quipactía nochi catli xitlahuac huan catli melahuac.
6 TOTECO tlanahuati ma onca ilhuicactli huan mochijqui.
7 Yaya quisansejcotili nochi atl catli eltoc ipan hueyi atl.
8 Nochi antlaltipac ehuani xijhueyitlepanitaca TOTECO.
9 Pampa nochi catli yaya quiijto,
10 TOTECO quinsosolhuilía inintlalnamiquilis masehualme ipan campa hueli tlalme para amo ma quichihuaca catli fiero moilhuijtoque.
11 Pero catli TOTECO moilhuijtoc quichihuas amo quema mopatlas.
12 Paquij masehualme ipan nopa tlali catli motemachíaj ipan TOTECO.
13 TOTECO catli itztoc nepa ilhuicac techhualtlachilijtoc nochi timasehualme.
14 Hasta nepa ipan ilhuicac TOTECO techtlachilijtoc catli tiitztoque ipan ni tlaltipactli.
15 Yaya TOTECO catli techyolchijchijqui nochi titlaltipac ehuani huan techtlachilía nochi catli tijchijtinemij.
16 Se hueyi tlanahuatijquetl amo tlatlani pampa quinpiya miyac isoldados.
17 Amo ximotemachi ipan se cahuayo para mitzmanahuis masque nelía tetic.
18 Pero TOTECO, quena, yaya nochipa techtlachilijtoc tojuanti catli tiquimacasij tiquixpanose.
19 Techmanahuía quema tiitztoque nechca miquilistli.
20 Tojuanti ipan toyoltzi timotemachíaj ipan TOTECO.
21 Yeca ma tiyolpaquica ipan TOTECO,
22 TOTECO, xijpiya moyolo tohuaya,