1 TOTECO, ta techyoltlachilijtoc huan tijmati nochi tlen na.
2 Ta cuali tijmati sintla nimosehuía o nimoquetza.
3 Ta technextilía nopa ojtli catli monequi nijtoquilis,
4 Ta TOTECO, tijmati tlaque niquijtos hasta quema ayamo nicamanalti.
5 Ta techyahualojtoc pampa tiya ica noixpa huan ica noica,
6 Nochi ni tlamantli catli ta tijmati nelía yejyectzi,
7 Amo cana hueli nimotlatis tlen moTonaltzi.
8 Sintla nitlejcos hasta ilhuicac para nimotlatis,
9 Sintla nijpiyasquía noeltlapal huan nipatlanisquía,
10 hasta nepa techyacanasquía ica mohueyi chicahualis.
11 Sintla nijchihuasquía campica para nimotlatis ipan tzintlayohuilotl,
12 Pampa niyon nopa tzintlayohuilotl amo hueli techtlatis moixpa, Toteco.
13 Ta tijsencajqui sesen tlamantli catli onca iijtic notlacayo.
14 Nimitztlascamati pampa techsencajqui ma nieli se tlamantli catli nelía cuajcualtzi.
15 Ta tijtlachiliyaya quema na nipejqui nimoscaltía nopona nel nimotlatijtoya tlen nochi sequinoc ipan iijtico nonana.
16 Ta techitac quema ayamo nitlacatiyaya.
17 Toteco Dios, nelía yejyectzi quema nimomaca cuenta para ta tijsenhuiquilía timonejnehuilía tlen na.
18 Hasta amo hueli nijpohua quesqui huelta timonejnehuilía tlen na ipan se tonali.
19 Toteco Dios, nelía elisquía cuali sintla tiquintzontlamiltisquía nochi masehualme catli amo mitztlepanitaj.
20 pampa inijuanti mitztlaijilhuíaj,
21 TOTECO, ¿atlac amo quinamiqui para niquincualancaitas inijuanti catli mitzcualancaitaj?
22 Quena, tlahuel niquincualancaita,
23 NoTeco Dios, xijtlachili noyolo huan xiquita nochi catli eltoc nopona.
24 Technextili sintla onca ipan notlanejnehuilis se tlalnamiquilistli catli amo mitzpactía,