1 ¡Na nimitzpaquilismacas, TOTECO!
2 Mitzyahualohua tlahuili catli onpano yejyectzi.
3 Eltoc quen quema timochanti,
4 Tiquintequihuía motequihuajcahua quen motlatitlanilhua huan tiquinchihua ma elica quen tlilelemectli.
5 Ta cuali tijtlatzquilti ni tlaltipactli para ma amo mijcuinis tlen campa eltoc.
6 Tijchijqui ma huala miyac atl catli quiixtzajqui ni tlaltipactli quen elisquía iyoyo.
7 Pero quema ta ticamanaltic huan ticajhuac nopa atl,
8 Tlejcoque tepeme huan nopa tlamayame temoque ipan ininlugar campa ta titlanahuati ma mosehuica.
9 Teipa tiquintlalili ininnepa nopa huejhueyi atl para ayacmo quema ma quiixtzacuaca tlali.
10 Ta tijchijqui atl ma motlalo ipan atlajtli campa tepeme,
11 Ica nopa atl tiquinamaca nochi tlapiyalme para ma atlica.
12 Nopa totome quichihuaj inintepasol iteno nopa atlajtli,
13 Ta tijchihua ma huetzi atl ipan tepeme,
14 Quena, ta Toteco tijchihua ma moscalti sacatl para ma tlacuaca tlapiyalme.
15 Nojquiya tiquinmaca xocomecatl iayo para ma ica yolpactoca,
16 Ica nopa atl moscaltíaj nopa tiocuame catli ta, TOTECO,
17 Ipan nopa cuame motepasoltíaj nochi tlamantli totome.
18 Inintzonatipa nopa huejhueyi tepeme onca sacatl para nopa chivojme catli nemij cuatitla.
19 Toteco, ta tijchijqui metztli para quinextis ipan tlaque metztli itztoque masehualme.
20 Ta tijtitlani nopa tzintlayohuilotl huan mochihua yohuali,
21 Nopa leones catli noja conetzitzi nanalcaj pampa mayanaj.
22 Quema quisas tonati sempa onmotlatíaj ipan iniosto.
23 Huan masehualme quisaj para tequipanotij,
24 ¡TOTECO, nelía tijchijtoc miyac tlamantli!
25 Xiquitaca nopa hueyi atl catli tlahuel patlahuac huan hueyi.
26 Nopona nejnemij nopa huejhueyi barcos,
27 Nochi ni tlapiyalme mochiyaj ipan ta para xiquintlamaca quema monequi.
28 Huan quema tiquinmaca inintlacualis,
29 Pero sintla tiquintlahuelcahua, inijuanti motequipachohuaj.
30 Huan quema ta tijtitlani moTonaltzi catli temaca nemilistli,
31 ¡Ma tijhueyitlalica TOTECO pampa ihueyitilis amo quema tlamis!
32 Quema Toteco quitlachilía tlaltipactli, ni tlaltipactli huihuipica.
33 Nijhuicatis TOTECO nochi tonali catli niitztos ipan ni tlali.
34 Ma quipacti TOTECO nochi catli nimonejnehuilía tlen ya,
35 Ma miquica nochi catli quinpactía tlajtlacolchihuaj ipan ni tlaltipactli.