1 ¡TOTECO, techtlacaquili quema nimotlatlajtía!
2 Amo ximohuejcatlali tlen na ipan nopa hora quema nitlaijiyohuía.
3 Pampa mojmostla nonemilis tlantiya quen poctli.
4 Tlahuel nimococohua ipan noyolo.
5 Huan pampa tlahuel nitlaayijhuijtoc,
6 Nijmati quen nielisquía nopa tzopilotl catli nemi ipan nopa tlali campa amo tleno eli,
7 Nochi yohuali ayacmo nicochi.
8 Nocualancaitacahua mojmostla nechpinajtíaj huan nechtelchihuaj.
9 Ayacmo nijcua pantzi.
10 pampa tlahuel ticualantoc ica na.
11 Nonemilis panoti chicahuac quen tlayohuilotl.
12 Pero ta TOTECO, tiitztos para nochipa,
13 Na nijmati para ta timotlananas huan tihualas para tijtlasojtlaqui altepetl Jerusalén.
14 Pampa momasehualhua tlahuel quinicnelíaj nopa teme tlen itepa Jerusalén,
15 Huajca nochi tlalme huan inintlanahuatijcahua ma huihuipicaca iixpa TOTECO.
16 Pampa TOTECO sempa quicualtlalis altepetl Jerusalén.
17 Yaya quintlacaquilis nopa teicneltzitzi quema motlatlajtise,
18 Niquijcuilohua ya ni para nochi catli tlacajtiyase teipa ma nojquiya quihueyichihuase TOTECO por nochi catli quichijtoc.
19 Pampa TOTECO quihualtlachili tlaltipactli tlen nepa ilhuicac campa eltoc itiopa,
20 Huan quintlacaquili quema tlaayijhuiyayaj imasehualhua catli tetequipanohuayayaj ipan sequinoc tlalme.
21 Huajca miyac masehualme sempa hualase ipan altepetl Jerusalén para quipaquilismacase TOTECO.
22 Huan miyac tlanahuatiani tlen ni tlaltipactli hualase para quitequipanose huan quihueyichihuase TOTECO.
23 Yaya nechquixtili nochicahualis quema noja polihuiyaya tlajco para nimiquis,
24 Pero nijtzajtzili huan niquilhui:
25 Hasta ipejya tonali ta tijtlali itzinpehualtil ni tlaltipactli,
26 Masque nochi catli tijsencajqui se tonali tlamis,
27 Pero ta amo quema tihuehuejtiyas.
28 Pero tojuanti catli timotequipanojcahua,