1 Huajca quema Jonás itztoya iijtico nopa michi, motlatlajti ica TOTECO Dios,
2 huan quiijto:
3 Techmajcajqui hasta tlatzintla campa más huejcatla ipan hueyi atl.
4 Hasta nimoilhuiyaya para techtlahuelcajtoya.
5 Nechatzonpolihuilti hueyi atl hasta campa más huejcatla,
6 Nitemotoya hasta itzintla nopa tepeme catli eltoc itzintla hueyi atl,
7 Quema nimoilhui tlamisquía nonemilis, nimitzelnamijqui, noTECO. Huan quema nimotlatlajti, techcajqui hasta ipan mochaj nopona campa tlatzejtzeloltic.
8 Huihui masehualme catli quinhueyichihuaj tlaixcopincayome catli amo neli Dios mitztlahuelcajtoque, TOTECO, ta catli tiquinchiya ica tlaicnelijcayotl.
9 Pero na nimitztlascamati por catli techchihuilijtoc.
10 Huajca quema Jonás tlantoya motlatlajtía, TOTECO quinahuati nopa hueyi michi ma quiijsotla Jonás xalpani. Huan quej nopa quichijqui.