1 Huejcajya Toteco Dios quinnojnotzqui tohuejcapan tatahua miyacpa ica itlajtol pannextijcahua. Quemantic quinnojnotzqui itlajtol pannextijcahua ipan temictli, quemantic ica tlanextili huan quemantic itztoya nechca inijuanti quema quincamanalhuiyaya.
2 Pero ama ipan ni tlayacapan tonali Toteco technojnotztoc ica Icone catli yaya techtitlanili. Toteco Dios quitequimacac Icone ma quichijchihua nochi tlamantli catli onca huan quiijtojtoc para nochi catli onca eltoc iaxca.
3 Itlatlanex Toteco Dios cahuani ipan Icone pampa Icone itztoc san se ica ya. Quena, Jesucristo itztoc quen iixcopinca catli technextilía quenicatza itztoc Toteco Dios. Ica icamanal, Icone Toteco quimajcuitoc nochi catli onca ipan tlaltipactli huan ilhuicactli campa eltoc, pampa icamanal tlahuel quipiya chicahualistli. Yaya mijqui para techpajpacas tlen totlajtlacolhua huan teipa yajqui ilhuicac huan mosehuito inejmac Toteco Dios campa más onca tlatlepanitacayotl.
4 Ya ni technextilía para Icone Toteco itztoc más hueyi que nochi itequihuajcahua Toteco, pampa Toteco quimacac Icone se tequiticayotl [1:4 O se itoca.] catli onpano más hueyi que nopa catli itequihuajcahua quipiyaj.
5 Toteco Dios amo quema quiilhuijtoc se itequihua catli quiilhui Icone quema quiijto:
6 Huan ijcuilijtoc ipan seyoc lugar catli quiijtos Toteco Dios quema quiixnextis ipan tlaltipactli Icone catli quipiya hueyi tlatlepanitacayotl, huan ya ni catli quiijtos Toteco Dios:
7 Ijcuilijtoc ipan Icamanal Toteco tlaque inintequi itequihuajcahua, huan ya ni catli quiijtohua:
8 Pero quema Toteco Dios quicamanalhui Icone, ijcuilijtoc para ya ni catli quiijto:
9 Mitzpactía nochi catli cuali huan tijcualancaita nochi catli amo cuali.
10 Nojquiya Toteco Dios quiilhui Icone:
11 Nochi inijuanti tlamise, pero ta, tiitztos para nochipa.
12 Tiquinmimilos quen elisquía se tlaquemitl catli sosoltic huan ya ajsic hora para tlantiyas.
13 Huan Toteco Dios amo quema quiilhui se itequihua quen quiilhui Icone ipan ni camanali:
14 Itequihuajcahua Toteco itztoque san tonaltzitzi catli tetequipanohuaj. Quena, Toteco quintitlantinemi para quinpalehuise huan quinmocuitlahuise nochi masehualme catli Toteco quintlapejpenijtoc para quinmaquixtis tlen inintlajtlacolhua.