1 Huajca Moisés ininhuaya nopa israelitame huicaque ni huicatl para TOTECO:
2 TOTECO nechchijtoc ma nihuica ica paquilistli.
3 TOTECO ya nopa tlahuilanquetl catli más quipiya chicahualistli.
4 Quinisahui ipan hueyi atl nopa tlahuilanca carros,
5 Huetzque hasta atzintla quen teme.
6 ¡Ay, TOTECO! Tijpiya hueyi chicahualistli,
7 Huan ica mohueyi chicahualis tiquinpolo catli motlalijque moixpa.
8 Chicahuac tiquilpitzqui nopa hueyi atl,
9 Tocualancaitacahua mohueyimatque huan quiijtojque:
10 Pero ta, TOTECO, titlailpitzqui, huan nopa hueyi atl quintolo.
11 ¡Ay TOTECO! Amo aqui seyoc Dios catli ica huelis timitzhuicalotise.
12 Titenextili mochicahualis, huan quintolo nopa tlali.
13 Ica moteicnelijcayo techyacanas tojuanti timomasehualhua catli techmaquixtijtoc.
14 Nochi tlacame ipan nochi tlalme huihuipicase quema quimatise catli tijchijtoc.
15 Huan nopa tlayacanani tlen soldados ipan tlali Edom, niyon amo huelis tlaijiyotilanase.
16 Hueyi majmajtli quinajsis.
17 ¡Ay TOTECO! Techhuica para tiitztotij ipan motepe catli tlatzejtzeloltic,
18 TOTECO, titlanahuatis para nochipa.”
19 Quema itlahuilanca carros Faraón huan icahuayojhua huan catli ipan tlejcotoyaj calajque ipan hueyi atl, TOTECO quichijqui nopa hueyi atl ma quinhuica. Pero nopa israelitame quiixcotonque nopa hueyi atl ipan se ojtli huactoc.
20 Huajca nopa sihua tlajtol pannextijquetl María, ihuelti Aarón, quicuic se tepos tlatzilintli, huan nochi israelita sihuame quitoquilijque quitzilinijtiyohuiyayaj tepos tlatzilintli, huan huicayayaj, huan mijtotiyayaj.
21 Huan María huicayaya huan quinnanquiliyaya ica ni camanali:
22 Huan Moisés quinyacanqui nopa israelitame huan quistejque tlen nopa Hueyi Atl Chichiltic, huan yajque ipan nopa huactoc tlali itoca Shur. Huan nejnenque para eyi tonali pero amo quipantiyayaj atl.
23 Huan quema quiajsique se ameli itoca Mara, amo huelque quiijique nopa atl catli oncayaya nopona pampa eliyaya chichic. Yeca nopa ameli quitocaxtijque Mara catli quinequi quiijtos “chichic”.
24 Huan nopa israelitame pejque cualancamanaltij ica Moisés, huan quiijtohuayayaj: “¿Tlaque huelis tiquijise?”
25 Huajca Moisés quitlajtlani TOTECO itlapalehuil para quimatis tlaque quichihuas, huan TOTECO quinextili se cuamacuayotl. Huan Moisés quimajcajqui nopa cuahuitl ipan atl, huan nopa atl mocuepqui se cuali atl.
26 Quinilhui: “Sintla anquitlacaquilise catli niamoTECO Dios nimechilhuía, huan anquichihuase catli xitlahuac noixpa huan anquineltocase notlanahuatil, amo nimechtitlanilis niyon se cocolistli catli nijtitlanqui ipan nopa egiptome, pampa na niamoTECO Catli Nimechchicahua.”
27 Huan teipa nopa israelitame ajsitoj Elim campa oncayaya majtlactli huan ome ameli huan 70 apachi cuame, huan nopona nechca atl quiquetzque ininyoyoncalhua.