1 “Nochi ipan ilhuicactli huan tlaltipactli ma quitlacaquilica catli na niquijtos.
2 Xijselica notlamachtil quen anquiselíaj atl quema tlaquiyahui.
3 Na nitlayolmelahua itoca TOTECO.
4 Yaya catli techmanahuía.
5 Pero nopa israelitame amo quichijtoque catli cuali.
6 ¿Quej nopa anquitlaxtlahuíaj TOTECO, anisraelitame?
7 Xiquelnamiquica nopa tonali huejcajya huan quenicatza panotihualajque amohuejcapan tatahua.
8 Oncac se tonal huejcajya quema Toteco Catli Más Hueyi quinmajmacac nochi xinach masehualme sesen tlali campa itztosquíaj.
9 Pampa tiisraelitame tiimasehualhua TOTECO.
10 TOTECO techpanti tiisraelitame huan tohuejcapan tatahua ipan nopa huactoc tlali,
11 Techchihuili quen se cuajtli moeltlapalpapatlatza ipan itepasol huan quinnotza ipilconehua ma patlanica.
12 Yaya TOTECO iseli techyacantoc huan amo aqui más.
13 TOTECO quichijqui ma titlatlanica.
14 Techtlamacac ica mantequilla huan lechi tlen inintlapiyalhua.
15 Pero tiisraelitame pejqui tineltlacuaj,
16 Huan tiisraelitame tijpejpehualtijque huan tijcualanijque TOTECO Dios,
17 Tiisraelitame tiquinmactilijque tlacajcahualistli ajacame tlen Amocualtlacatl,
18 Israelitame, anquielcajtoque amoTata huan amoTlamanahuijca. Anquielcajque Toteco Dios catli techmacatoc nemilistli.
19 Huan TOTECO quiitac catli tijchihuayayaj huan tlahuel tohuaya cualanqui.
20 Huan teipa TOTECO quiijto: ‘Na nojquiya nimoicancuepas ica inijuanti,
21 Nechchijque ma niquintlasomati pampa quinhueyichijque tiotzitzi huan tlaixcopincayome catli amo ya Toteco Dios.
22 Nocualancayo tlejcos quen se tlitl,
23 Nielis quen se catli quinmajcahuilis cuatlamintli,
24 Cocoxquetiyase ica mayantli huan miquise ica tlatotonilotl.
25 Ipan calles huetzise ininconehua mictoque ica machete,
26 Na niquijto para niquinsemanas huan niquintlamiixpolos ipan tlaltipactli hasta amo aqui quinelnamiquis.
27 Pero amo niquijiyohuisquía quema nechpaquitasquía nocualancaitacahua.
28 Pero anisraelitame anquipolojtoque tlalnamiquilistli,
29 Sintla elisquíaj antlamatini anquimachilisquíaj huan anquimatisquíaj canque antlamitij.
30 Pampa ¿quenicatza elqui para se amocualancaitaca iseli huelqui anmechtojtocac se mil anisraelitame?
31 Inintlamanahuijca amocualancaitacahua amo hueli ihuaya motlalis totlamanahuijca tojuanti.
32 Pero anisraelitame anitztoque quen xocomeca tzontli catli amo cuali.
33 Amoxocomeca atl eltoc quen nopa inintencococa cohuame catli temictíaj quen mahuaquijme.
34 Nicajoctihuala miyac tlamantli fiero para ica nimechtlatzacuiltis.
35 Nochi nicajoctoc para nopa tonal quema nitlacuepilis huan nimechmacas anisraelitame.
36 TOTECO quistehuas huan quintlajtolsencahuas imasehualhua quema quiitas ayacmo quipiyaj fuerza.
37 Huan TOTECO quinilhuis:
38 ¿Canque itztoque catli quicuayayaj ichiyajca amotlacajcahualis,
39 San na niiyojtzi niDIOS,
40 Nijtlanana nomax para ilhuicac huan nitlatestigojquetza.
41 huan temachtli nijtentis nomachete catli cahuani huan nipehuas nitetlajtolsencahuas,
42 Nochi nocuatlaminhua nijchihuas xolontoc ica inieso.
43 ¡Ximoyolpaquiltica, nochi anmasehualme ipan tlaltipactli ininhuaya imasehualhua TOTECO Dios!
44 Huan Moisés ihuaya Josué, icone Nun, monextijque iniixtla nochi israelitame,
45 huan Moisés quinpohuili ni huicatl tlen ipejya hasta itlamiya.
46 Teipa quinilhui nopa israelitame:
47 Pampa ya ni amo ya se tlamantli catli amojuanti huelis san anquiahuilmatise. Ni tlanahuatilme eltoque nemilistli para amojuanti. Huan sintla anquineltocase ni tlanahuatilme, anhuejcahuase para anitztose ipan nopa cuali tlali catli ama anquipanose ni hueyatl Jordán huan anmoaxcatise.”
48 Ipan nopa tonal TOTECO quicamanalhui Moisés huan quiilhui:
49 “Xiya ipan nopa tepeme Abarim huan xitlejco hasta nopa tepetl Nebo catli eltoc ipan inintlal moabitame iixmelac altepetl Jericó ipan seyoc nali ne hueyatl. Huan tlen nopona xijtlachili nopa tlali Canaán catli niquinmacas ma moaxcatica ni israelitame.
50 Huan teipa timiquis ipan nopa tepetl catli ipan titlejcos, huan timosansejcotilis ininhuaya moteiximatcahua. Timiquis quen moicni Aarón catli mijqui ipan tepetl Hor huan mosansejcotili ica iteiximatcahua.
51 Anome, ta huan Aarón, amo anmotemachijque ipan na iniixtla nopa israelitame quema anitztoyaj campa nopa atlajtli Meriba nechca Cades ipan nopa huactoc tlali Zin. Huan amo antechhueyichijque iniixtla.
52 Huajca san ica huejca huelis tijtlachilis nopa tlali catli niquinmactilis ni israelitame, pero amo huelis ticalaquis ipan nopa tlali.”