1 Sötiepa nequemejtac nöbe öngeles tli ijijcataya pa inu nöbe esquinas de tlöltecpactle. Quequejquitzquejtaya inu yejyecatl tli yebitz de inu nöbe esquinas para majcamo tlabiteque yejyecatl ipan tlöltecpactle nimpor ipa lamör nimpor impa cuajme.
2 Hua nequejtac ocsente öngel que tlejcuya de ca cöne quisa tunale, hua quepeaya tiesieyo de Deus öque nemoa nochepa. Inu öngel oquentzajtzele checöhuac inu nöbe öngeles tli quepeaya checöhualestle para quechibelisque mal noche tlöltecpactle hua lamör.
3 Oquejto:
4 Hua onejcac intlapoal de innochtie tli omoseyörojque; oyejyeya ciento cuarenta y cuatro mil de noche tribus noso grupos de giente de Israel tli omoseyörojque.
5 De inu tribu de Judá oyejyeya doce mil omoseyörojque,
6 hua de inu tribu de Aser oyejyeya doce mil,
7 hua de inu tribu de Simeón oyejyeya doce mil,
8 hua de inu tribu de Zabulón oyejyeya doce mil
9 Sötiepa nequejtac, hua oyejyeya lalebes meyactie giente, hasta que abele öque quemates intlapoal. Huölajque de noche naciones hua noche tribus hua noche puieblos, hua noche tlajtulte. Ijijcataya ixtla trono hua tieixtla Calnielo. Quepejpeaya intlaquie istöc, hua quepejpeaya ipa inmöhua ixejyo suyotl. Tzajtzajtzeya checöhuac,
10 quejejtoöya:
11 Hua noche öngeles ijijcataya queyehualojtaya inu trono hua quenyehualojtaya inu biebentzetzi hua inu nöbeme tli yojyulejtecate. Yejua öngeles motlancuöquetzque ca inxöyac hasta tlölpa, hua tieteochijque Deus.
12 Oquejtojque:
13 Hua sente de inu biebentzetzi niechontlajtlane:
14 Hua nequelfe:
15 Por inu seme cate ixtla tietrono de Deus,
16 Ayecmo quiema teosebesque nimpor ayecmo quiema ömequesque,
17 ipampa inu Calnielo öque iloac inepantla de inu trono, yejuatzi quenmixutisque