1 Sötiepa de inu, nequejtac ocsente öngel que temuya de elfecac ca meyac checöhualestle. Hua otlaniexte noche tlöltecpactle ca itlaniexteles.
2 Hua otzajtzec ca tlajtule checöhuac. Ejqueu oquejto:
3 Noche inu opasöre ipampa inu ciudad oyeya quiename sente sohuatl
4 Entunses onejcac ocsente tlajtule desde elfecac. Oquejto:
5 Pues inu ciudad quepea meyac tlajtlacule;
6 Xecmacacö inu ciudad lo que tli quenmacac ocseque giente,
7 Ejqueu quiene mochamöhuaya hua quepeaya de noche sösantle para inemeles,
8 Por inu ipa sie tunale mosietelesque meyactie plögas hua ipa huölösque:
9 Entunses chojchucasque lalebes reyes de tlöltecpactle, tli calaqueya ca yaja hua mopöctiöya. Chojchucasque ipampa quejtasque puctle de inu tletzintle cuöc yaja xutlatas.
10 De bejca quetztasque ipampa momajtisque por inu tiecoco tli yaja quepeas, hua quejtusque:
11 Hua innochtie comersiöntes de tlöltecpactle chojchucasque hua moyulcocusque por inu ciudad, ipampa ayecmo oyes öque quecoas lo que tli yejua quenajnamaca:
12 sösantle de oro hua plöta hua teme cualtzetzi hua perlas, hua tzotzomajtle de lino hua de seda, de colur morörojtec hua chichiltec, de noche cuabetl tli ajfeyoc, hua sösantle de marfil hua de bepalte cualtzetzi, hua de bronce, hua de tepostle hua mármol,
13 hua canela hua tli ajfeyoc, hua copale hua mirra hua perfumes, hua vino hua asiete hua harina cuale hua trigo, hua yulcöme hua calnielojte hua caböyojte hua carretotu hua hasta giente tli cate esclavo; noche inu sösantle quenajnamacaya inu comersiöntes.
14 Hua yejua quelfisque inu ciudad:
15 Noche inu niecate comersiöntes tli quenajnamacaya noche inu sösantle hua moricojtejque ca itomi de inu ciudad, yejua mocöhuasque de bejca ipampa momajtisque por inu tiecoco que yaja quepeas. Chojchucatasque hua moyulcocusque.
16 Quejtusque:
17 Pos sa sie repiente otla noche inu ricojyutl.
18 hua tzajtzeque cuöc quejtaque inu puctle de inu ciudad. Quejtojque:
19 Hua motlöltienque ipa intzonteco; chojchucataya hua moyulcocojque hua tzajtzeque. Quejtojque:
20 Pero xepajpöquecö nemonochtie tli nencate ompa elfecac.
21 Entunses nequejtac sente öngel checactec ocajcoc sente tietebiebentzi quiename de molino hua quetitla ijtec lamör. Hua oquejto:
22 Hua inu música de tli quetzötzöna örpas,
23 hua ayecmo quiema tlaniextis tlöbile ompa,
24 Hua inu ciudad icaca tlajtlacultec por inmequeles de noche yecteque hua de noche tlayulepantejque