1 TOTECO, ximohuijtzoma quentzi huan xinechtlacaquili quema nimomaijtohua.
2 NoTeco Dios, xinechmanahui pampa na nijchihua campeca para nijchihuas tlen quiijtohuaj motlanahuatilhua.
3 TOTECO, xijpiya hueyi moyolo ica na pampa nochi se tonal nimitztzajtzilijtoc,
4 Toteco, xinechmaca paquilistli pampa na san ta nimitzhueyichihua.
5 Toteco, ta nelía ticuali huan timoquetztoc timocualtlalijtoc para titetlapojpolhuis.
6 TOTECO, xinechtlacaquili quema nimomaijtohua.
7 Nimitztzajtzilis ipan nopa tonali quema nechajsis tlaohuijcayotl,
8 Ipan nochi sequinoc tlen quintocaxtíaj “dioses”,
9 Elqui ta tlen tiquinchijchijqui nochi tlaltini ica inintlacajhua.
10 pampa ta tlahuel tihueyi huan tijchihua huejhueyi tlamantli.
11 TOTECO, xinechnextili moojhui huan nijtoquilis pampa san ya nopa temachtli.
12 TOTECO Dios, nimitzpaquilismacas ica nochi noyolo huan nimitzhueyitlalis para nochipa,
13 pampa tlahuel hueyi moteicnelilis noca na,
14 Toteco Dios, miyac tlacame tlen mohueyimatij huan tlen mosisiníaj motlanantoque para nechtehuise.
15 Pero ta Toteco nelía titetlasojtla huan hueyi moyolo.
16 Xinechtlachili ica miyac teicnelijcayotl huan xinechmaca chicahualistli na nimotlatequipanojca.
17 Xijnexti se tlanextili para ta tinechcualita.