1 ¡Ta tlen tiinintlamocuitlahuijca israelitame huan techyacana queja tielisquíaj timoborregojhua,
2 Xijchihua para nochi tiisraelitame,
3 Toteco Dios, xijchihua ma timocuepaca ica ta.
4 TOTECO, ta tiDios Tlen Tijpiya Nochi Chicahualistli,
5 Techmacatoc ma tijcuaca pantzi ica choquistli, huan ma tiquica toixayo.
6 Tijcajtoc ma techpinahualtica nopa tlaltini tlen techyahualohuaj huan ma techhuetzquilica tocualancaitacahua.
7 Toteco Dios, ta tiDios Tlen Tijpiya Nochi Chicahualistli, xijchihua ma timocuepaca ica ta.
8 Titechhualicac tlen tlali Egipto queja tieltosquíaj se xocomeca tzontli tlen selic.
9 Tijcualtlali nopa tlali huan elque queja tijpixque miyac tonelhuayohua.
10 Nopa tepetini tiquintlamitzajque ica toecahuil.
11 Tichamanque huan moscaltijque tomacuayohua.
12 Huajca ¿para tlen ayoc titechmocuitlahuía?
13 Inijuanti itztoque queja cuapitzome tlen hualahuij huan tlalpoxahuaj yahualtic tlen tojuanti,
14 Yeca Toteco Dios Tlen Tijpiya Nochi Chicahualistli timitztlajtlaníaj,
15 Quena, xijmocuitlahui tlen ta tijtojqui huan nopa ichamanca tlen cuali tijtlatzquiltijtoc.
16 Pampa tocualancaitacahua techhuejhuelojtoque huan techtlatijtoque.
17 Xijmaca chicahualistli nopa telpocatl tlen tiquicnelía huan tijtlapejpenijtoc para tlanahuatis.
18 Queja nopa ayoc quema timitztlahuelcahuase.
19 Xitechchihuili ma timocuepaca sampa ica ta, TOTECO,