1 Toteco Dios, ¿para tlen tinechtlahuelcajtoc para nochipa?
2 Xiquilnamiqui para tojuanti timotlacajhua tlen timocohui huejcajquiya quema titlatequipanohuayayaj san tlapic.
3 Xihuala xiquitaqui queja quitlamixolejtoque nopa altepetl,
4 Nopano tzajtzique mocualancaitacahua ica paquilistli quema tlaxolehuayayaj.
5 Hualajque ica ininhachas huan huejhueyi martillos hasta nesiyaya queja cuajcuahuini tlatlajco cuatitlamitl.
6 Huan ama ica ininteposhua quitlapanque huan quixolejtoque nochi tlamantli tlen ica tlayejyecchijtoyaj motiopa.
7 Quena, motiopa quitlatijque,
8 Huan quiijtojque ipan ininyolo:
9 Ayoc onca niyon se tlamantli tlen quinextía para timotlacajhua.
10 Toteco Dios, ¿hasta quema tlamis mitzmahuispolohuaj mocualancaitacahua?
11 ¿Para tlen tihuejcahua para titechpalehuis?
12 Hasta tlen huejcajquiya Toteco Dios itztoc notlanahuatijca.
13 Ica mochicahualis tijxelo hueyi atl.
14 Tijcuaxamani nopa hueyi tlapiyali tlen itoca Leviatán,
15 Tijchijqui ma meya atl ipan huejhueyi ameltini, huan tijchihua para miyac atemitl ma quipiyaca atl.
16 Ta moaxca tonali huan yohuali.
17 Ta tijyejyeco hasta canque tlamis tlaltepactli.
18 TOTECO, xiquita quejatza mitzmahuispolohuaj mocualancaitacahua,
19 ¡TOTECO, amo xinechtlahuelcahua!
20 ¡Xiquilnamiqui nopa tlajtol sencahuali tlen tijchijtoc tohuaya!
21 Amo xijcahua para ajachica ma techmahuispoloca tojuanti tlen tijpanotoque miyac tlaohuijcayotl.
22 Toteco Dios, ximotlalana huan ximomanahui ica tlen quiijtohuaj mocualancaitacahua.
23 Amo xiquilcahua quejatza mitztelchijtoque mocualancaitacahua,