1 NoTeco Dios, xinechtlacaquili quema nimomaijtohua ica ta.
2 Xinechtlacaquili huan xinechnanquili,
3 Nocualancaitacahua nechtzajtzilíaj chicahuac huan quinequij nechmictise.
4 Nelía nechcocohua noyolo pampa nechitzquía se hueyi majmajtli.
5 Quena, tlahuel nimajmahui huan nihuihuipica.
6 ¡Cuali elisquía intla nijpiyasquía noeltlapal queja quipiya se paloma para huelisquía nipatlantehuasquía huan nimosiyajcahuati!
7 Quena, nicholosquía hasta nepa campa huactoc tlaltini tlen mopantíaj huejca huan nepa nimocahuasquía.
8 Nimoisihuiltisquía para nicholos huan nimotlatis tlen nochi ni tlaijiyohuilistli tlen hualajtoc nopani.
9 Toteco, xiquintzontlamilti nocualancaitacahua.
10 Tlayohua huan tonaya yonque itztoque tosoldados tlen quiyahualojtinemij ni altepetl ipan nopa tepamitl para quimocuitlahuise tlen tocualancaitacahua,
11 Tlatlajco nopa altepetl quichihuaj miyac tlamantli tlen ax cuali,
12 Ax elqui se nocualancaitaca tlen nechcajcayajqui,
13 Pero elqui se tlen nemiyaya nohuaya,
14 Quena, elqui yajaya tlen sentic timopohuiliyayaj nopa tlamantli tlen tijpixtoyaj ipan toyolo,
15 Ma tlalochmiquica nochi nocualancaitacahua huan ma yaca hasta mictla quema noja yoltoque,
16 Pero na san nijtzajtzilis Toteco Dios para ma nechmaquixti.
17 Na nimomaijtos ica ijnaloc, ica tlajco tona huan ica tiotlac.
18 Ipan tlatehuijcayotl yajaya nechmanahuis,
19 Toteco Dios tlen ipa itztoc huan tlanahuatijtoc hasta tlen huejcajquiya,
20 Nopa tlacame tlen ax cuajcualme momatlalanaj huan quintehuíaj hasta ininhuampoyohua.
21 Quitequihuíaj tlajtoli tlen nelyejyectzi huan yamanic queja mantequiya,
22 Nochi mocuesol xijcahua imaco TOTECO huan yajaya mitzmacas temachili.
23 Pero ta tinoTeco Dios,