1 ¡Ta, tinoTeco Dios tlen tinechicnelía,
2 ¡Xinechpajpaca huan xinechquixtili ni notlajtlacol para sampa nielis nitlapajpactic!
3 Pampa ya nimomacatoc cuenta para nelía nitlajtlacolchijtoc moixpa.
4 San ica ta nitlajtlacolchijtoc.
5 Pero na ipa nitlajtlacolchijquetl hasta quema nitlacatqui.
6 Ta tijnequi se tlacatl ma mitztlepanita ipan iyolo;
7 Xiquijtzelo nopani nopa estli tlen tetlapajpacchihua,
8 Huan teipa quema ya tinechtlatzacuiltijtos,
9 Amo xijsenhuiquili xijtlachilijto notlajtlacolhua.
10 NoTeco Dios, xijchihua para noyolo ma eli yancuic huan tlapajpactic.
11 Amo xinechiyocacahua tlen ta moixpa,
12 Xijchihua para sampa ma nijmati nopa paquilistli tlen nijpixqui pampa ta tinechmaquixti.
13 Huan huajca niquinnextilis moojhui sequinoc tlajtlacolchihuani tlen tlaixpanotoque queja na.
14 Toteco Dios, ta tlen tinechmaquixtía,
15 Toteco, xijchihua para sampa ma nihuica,
16 Pampa ta ax tijnequi ma nimitzmaca tlacajcahualistli para tinechtlapojpolhuis.
17 Ta tijnequi ma nimoyolcoco,
18 Huan, Toteco, amo xijtlatzacuilti altepetl Sion ipampa notlajtlacolhua.
19 Huan quema noyolo ya eltos xitlahuac moixpa,