1 Cuali xijtlacaquilica ya ni,
2 Notlajtol elis para nochi tlacame.
3 Nicamatis ica tlalnamiquilistli.
4 Achtohui nimechilhuis se tlatzintoquili tlen totlalnamijca huejcapan tatahua quiijtojque,
5 ¿Para tlen monequi nimomajmatis quema hualas tlaohuijcayotl,
6 Inijuanti motemachiyaj ipan inintomi,
7 Pero niyon se tlen inijuanti ax huelis momaquixtis tlen itlajtlacolhua,
8 Pampa toyolis eltoc se tlamantli tlen miyac ipati.
9 ¡Axtle! Axaca huelis quicohuas iyolis para itztos para nochipa huan para ax quema miquis.
10 Nochi tlacame miquise.
11 Inijuanti moilhuíaj itztose para nochipa,
12 Pero se tlacatl ax huejcahuas yonque nelía tominpixtoc,
13 Nochi tlacame tlen motemachijtoque san ipan ininseltitzi,
14 Nopa tlacame miquise queja miquij borregojme.
15 Pero Toteco Dios nechmaquixtis tlen ichicahualis miquistli huan nechhuicas ihuaya.
16 Amo ximocueso intla se tlacatl moricojchihua,
17 Pampa quema miquis ax tleno huelis quihuicas.
18 Yonque se tlacatl itztos ica paquilistli quema noja yoltoc,
19 ajsis se tonal quema miquis queja ihuejcapan tatahua,
20 Se tlacatl tlen moricojchijtoc,