1 Nijpixtoc ipan noyolo tlen nijnequi niteyolmelahuas tlen inintlajtlacol ax cuajcualme.
2 Mohueyimatij ica ininselti hasta moilhuíaj yajaya ax hueli quichihuas cuenta nochi tlen fiero quichijtinemij,
3 Quisa inincamaco senquistoc tlen fiero huan tlen ax melahuac.
4 Quema motecaj ipan inintlapech para cochise,
5 TOTECO, motlasojtlacayo quinajsi nochi tlacame huan onajsi hasta elhuicac huan hasta campa mixtli.
6 Tiitztoc tlahuel tixitlahuac huan ax quema timopatla.
7 Toteco Dios, nelía yejyectzi moteicnelilis tlen ax quema techcahua.
8 Tlacame tlen mitztemohuaj ixhuij cuali ica nopa tlatiochihualistli tlen tiquinmaca nepa mochaj.
9 Pampa ta titechmaca yolistli nochi tlen tiitztoque,
10 Nimitztlajtlanía para mojmostla xitechicneli tojuanti tlen timitzixmatij.
11 Amo xijcahua para ma nopan moquejquetzaca inijuanti tlen mohueyimatij.
12 Se tonal niquijtos: