1 Nochi noyolis huan para nochipa nimitzhueyimatis tinoTeco huan tinotlanahuatijca.
2 Mojmostla nimitzhueyichihuas.
3 Nelía tihueyi, TOTECO, huan quinamiqui ma timitzhueyimatica nochi titlacame.
4 Nochi coneme tlen moscaltijtiyase quiilnamiquise tlen tijchihua,
5 Na san nimoyolilhuis tlen moyejyejca huan mohueyitilis,
6 Tlacame camatise tlen nopa huejhueyi tlamantli tlen tijchijtoc.
7 Nochi tlacame ipan tlaltepactli camatise para nelía ticuali huan hueyi moyolo.
8 TOTECO, hueyi moyolo huan tlahuel titetlasojtla.
9 TOTECO ta cuali moyolo ica nochi tlacame huan moteicnelijcayo monextía ipan sesen tlamantli tlen tijsencajtoc.
10 TOTECO, nochi tojuanti tlen ta titechchijchijtoc timitztlascamatij.
11 Tojuanti san sejco timocamahuise tlen ihueyitilis motlanahuatilis campa ta titlanahuatía,
12 Titepohuilise tlen nopa huejhueyi chicahualnescayotl tlen tijchijtoc,
13 Pampa motlanahuatilis ax quema tlamis.
14 Ta TOTECO tiquintlalana nochi tlen huetzij,
15 Nochi tlacame ipan tlaltepactli mitztemohuaj,
16 Ta ica moma tiquintiochihua nochi tlen yoltoque,
17 TOTECO quichihua san tlen xitlahuac,
18 TOTECO itztoc ininnechca nochi tlen quinotzaj.
19 Yajaya quinmaca tlen quinequij nochi tlacame tlen quiimacasij huan quitlepanitaj.
20 TOTECO quinmocuitlahuía nochi tlen quiicnelíaj,
21 Nijpaquilismacas TOTECO ica nocamac.