1 TOTECO, ta tinechyoltlachilijtoc huan tijmati nochi tlen na.
2 Ta cuali tijmati intla nimosehuía o nimoquetza.
3 Ta tinechnextilía nopa ojtli tlen monequi nijtoquilis,
4 Ta TOTECO, tijmati tlachque niquijtos hasta quema aya nicamati.
5 Ta tinechyahualojtoc pampa tiya ica noixtla huan ica noica,
6 Nochi ni tlamantli tlen ta tijmati nelía yejyectzi,
7 Ax cana hueli nimotlatis tlen moTonaltzi.
8 Intla nitlejcos hasta elhuicac para nimotlatis,
9 Intla nijpiyasquía noeltlapal huan nipatlanisquía,
10 hasta nepa tinechyacanasquía ica mohueyi chicahualis.
11 Intla nijchihuasquía campeca para nimotlatis ipan tzintlayohuilotl,
12 Pampa niyon nopa tzintlayohuilotl ax hueli nechtlatis moixtla, Toteco.
13 Ta tijsencajqui sesen tlamantli tlen onca iijtic notlacayo.
14 Nimitztlascamati pampa nochi tinechsencajqui ma nieli se tlamantli tlen nelía cuajcualtzi.
15 Ta tijtlachiliyaya quema na nipejqui nimoscaltía nopano ipan iijtico nonana, nel nimotlatijtoya tlen nochi sequinoc.
16 Ta tinechitac quema aya nitlacatiyaya.
17 Toteco Dios, nelía yejyectzi quema nimomaca cuenta para ta tijsenhuiquilía timoyolilhuía tlen na.
18 Hasta ax hueli nijpohua quesqui huelta timoyolilhuía tlen na ipan se tonali.
19 Toteco Dios, nelía elisquía cuali intla tiquintzontlamiltisquía nochi tlacame tlen ax mitztlepanitaj.
20 pampa inijuanti mitztlaijilhuíaj,
21 TOTECO, ¿ax tiquita para quinamiqui ma niquincocoli inijuanti tlen mitzcocolíaj?
22 Quena, tlahuel niquincocolía,
23 NoTeco Dios, xijtlachili noyolo huan xiquita nochi tlen eltoc nopano.
24 Xinechnextili intla onca ipan notlalnamiquilis se tlalnamiquistli tlen ax mitzpactía,