1 हन्नाहं थथे धकाः प्रार्थना यात,
2 “परमप्रभु थें पवित्रम्ह
3 “छं घमण्ड यायेगु त्वःताछ्व
4 “तसकं बल्लाःपिनिगु धनु त्वधूगु दु,
5 गाक्क दुपिं नसाया निंतिं ज्यामि ज्या यानाः जुइमाली,
6 “परमप्रभुं स्यायेगु व जीवन बियेगु नितां यानादी,
7 परमप्रभुं हे चीमि व तःमि यानादी,
8 वय्कलं चीमिपिन्त धुलं थकयादी,
9 वय्कलं विश्वास याये बहःपिनिगु रक्षा यानादी,
10 परमप्रभुया विरोध याइपिं नाश जुयावनी,
11 अले एल्काना थःगु छेँ रामाय् लिहां वन। मचाम्ह शमूएल धाःसा पुजाहारी एलीं धाःकथं परमप्रभुया सेवा यायेत अन हे च्वन।
12 एलीया काय्पिं लुच्चात खः, इमिसं परमप्रभुयात वास्ता मयाः।
13 मनूनापं पुजाहारीतय्सं याना वयाच्वंगु थज्याःगु चलन दु – सुं मनुखं बलि छाये हइबलय् उकियागु ला दाय्कीबलय् पुजाहारीयात ग्वाहालि याइम्हय्सिनं धुसू ज्वनाः वइ,
14 अले फ्वसि वा कराई वा जःसि न्ह्यागु थलय् च्वंगु जूसां धुसुलिं तियाः वक्क ला पुजाहारीं यंकिगु याइ। शीलोमय् आराधना यायेत वःपिं फुक्क इस्राएलीतय्त इमिसं अथे हे व्यवहार याइगु खः।
15 तर आः दाः च्याके न्ह्यः पुजाहारीया ग्वाहालिमिं बलि छाइम्ह मनूयात थथे धाइगु, पुजाहारीया निंतिं दय्केत जितः छुं ला ब्यु, दाय्कातःगु ला वं काइ मखु, कचिगु जक काइ।
16 व मनुखं “न्हापालाक्क दाः छ्वय्कावा, अले छन्त गुलि माःगु खः यंकी” धकाः लिसः बीगु। पुजाहारीया ग्वाहालिमिं धाःसा थथे धाइगु, “अथे मखु! न्हापालाक्क जितः निं ब्यु, मखुसा जिं लाकाः यंके।”
17 उपिं ल्याय्म्हपिं मनूतय्गु पाप परमप्रभुया न्ह्यःने तसकं अप्वयावन छाय्धाःसा इमिसं परमप्रभुयात छायेहःगु बलितय्त तसकं क्वह्यंकल।
18 उबलय् शमूएल भिंगु सूती कापःया एपोद फिनाः परमप्रभुया न्ह्यःने सेवा याना हे च्वन।
19 दँय्दसं वया मांनं वयागु निंतिं जामालं सुइगु अले थः भाःतनापं दँय्दसं बलि छायेत वनीबलय् शमूएलया निंतिं व यंकाबीगु खः।
20 एलीं एल्काना व वया कलाःयात सुवाः बियाः थथे धाइगु, “छिमिसं परमप्रभुयाके फ्वंम्ह थ्व काय्या पलेसा परमप्रभुं छिमित थ्व मिसापाखें मचाखाचात बीमाः।” अले इपिं थःगु छेँ लिहां वनीगु जुयाच्वन।
21 परमप्रभुं हन्नायात सुवाः बियादिल अले वं स्वम्ह काय् व निम्ह म्ह्याय् बुइकल। उखे मचाम्ह शमूएल परमप्रभुया न्ह्यःने च्वन्ह्यानावन।
22 आः ला एली तसकं बुरा जुइ धुंकल। थः काय्पिन्सं इस्राएलीतय्त याःगु व्यवहारया बारे व परमप्रभुया नापलायेगु पालया ध्वाखाय् सेवा याइपिं मिसात नापं द्यनिगु खँ तक नं एलीं सिल।
23 वं काय्पिन्त धाल, “छाय् छिमिसं थज्याःगु ज्या यानागु? छिमिसं तसकं मभिंगु ज्या याना जूगु दु धकाः जिं सकलें मनूतय्गुपाखें न्यनागु दु।
24 थथे याये मज्यू जिमि काय्पिं! परमप्रभुया मनूतय्सं छिमिगु बारे धाःगु खँ तसकं बांमलाः।
25 छुं जुयाः छम्ह मनुखं मेम्ह मनूया विरोधय् पापयात धाःसा परमप्रभुं मिलय् यानादी, तर परमप्रभुया विरोधय् हे पापयात धाःसा सुनां मिलय् याइ?” तर एलीया काय्पिन्सं थः बौयागु खँय् ध्यान मब्यू, छाय्धाःसा परमप्रभुं इमित स्यायेगु क्वःछिनादी धुंकूगु खः।
26 अले मचाम्ह शमूएल परमप्रभु व मनूतय्गु दया मायां ब्वलना वन।
27 परमप्रभुया छम्ह अगमवक्ता एलीयाथाय् वयाः थथे धाल, “परमप्रभुं थथे धयादी, ‘छु छिमि पुर्खात मिश्रय् फारोया दास जुयाच्वंबलय् जि इमिथाय् खनेदय्क मवया ला?
28 जिं इस्राएलया फुक्क कुल मध्ये छिमि पुर्खा हारूनयात जिमि पुजाहारी जुइत, जिगु वेदीइ बलि छायेत, गुँगू थनेत व जिगु न्ह्यःने पुजाहारीया भिंगु सूती कापःया वसः फिनाः वयेत ल्ययागु खः। इस्राएलया फुक्क विशेष देछा छिमि पुर्खातय्गु निंतिं अलग तयाबिया।
29 छाय् छिमिसं जि च्वनेगु थासय् जिं छा धकाः उजं बियागु बलित व देछायात क्वह्यंकागु? छाय् छं जितः स्वयाः थः काय्पिन्त अप्वः हनाबना यानागु? छाय्धाःसा जिमि प्रजा इस्राएलं छाय्हःगु ब्व नयाः छ व इपिं ल्ह्वंगु दु।’
30 “अथे जुयाः इस्राएलया परमप्रभु परमेश्वरं धयादी, ‘छिमि पुर्खां व छिमि परिवारं न्ह्याबलें जिगु न्ह्यःने सेवा यायेमा धकाः धयागु खः। तर परमप्रभुं थथे धयादी, थथे जुइ हे मज्यूगु खः। जितः हनाबना याइपिन्त जिं हनाबना याये अले जितः हेला याइपिन्त जिं नं हेला याये।
31 थज्याःगु ई वयाच्वंगु दु कि, जिं छ व छिमि परिवारया बल कम यानाबी अले छंगु परिवारय् सु नं बुरापिं मनूत दइ मखु।
32 जि च्वनेगु थासय् संकट जूगु छं खनि। इस्राएलया निंतिं भिं यायेगु जुइ अय्नं छंगु परिवारय् थनिनिसें छम्ह नं बुरापिं मनूत दइ मखु।
33 अथे जूसां छं सन्तानपाखें छम्ह म्वाकातये अले व पुजाहारी जुयाः जिगु सेवा याइ। अले व कां जुइ व निराश जुइ। छं मेपिं सन्तानत धाःसा ग्यानापुक सिनावनी।
34 “‘छं निम्ह काय् होप्नी व पीनहासया बांमलाःगु अवस्था छंगु निंतिं छगू चिं जुइ। होप्नी व पीनहास निम्हं छन्हुं हे सी।
35 जिं जिगु निंतिं छम्ह विश्वास याये बहःम्ह पुजाहारी ल्यये। वं हे जिगु मनय् व नुगलय् च्वंगु खँकथं याइ। जिं वया परिवारयात थापं याये अले वं हे जिं जुजु अभिषेक यानाम्ह मनूया न्ह्यःने सदां सेवा याइ।
36 छंगु परिवारय् म्वानाच्वंपिं सकलें वयाः चकूगु छकू वहः व छपा मरिया निंतिं वय्कःया न्ह्यःने क्वछुनाः थथे बिन्ति याये मालि, “जितः पुजाहारीतय्त ग्वाहालि यायेत तयादिसँ अले जिके छपा मरि दयेमा।”’”