1 Filoon fi baaha, mi otte téeríi túlúñú túlúñë hompe yaꞌi ñamaa fi ɓëeꞌ took sun fi ñaani nguur ka ra ; hatinna ɓéeɓ ana bíníyúté, ɗi antee túlúñú síitɗúté sondeel, leewute leew paana.
2 Mi otte malaakii mitte, ɓéyíɗté uni sun won tih : « Daa yeeliyoh këcísí leewwa, kúnís téerëe ? »
3 Ndaa sun-Koo neh, feey fa neh, filiɓ feey fa neh, lahay ɓëyí mín kúnís téerëe, olsoh yee filiɓ.
4 Olaꞌ mi biti lahay ɓëyí yeeliyohte kúnsí téerëe olsoh yee filiɓ ra, mi looyte looyi misikke.
5 Ow di ɓaha ya won soꞌ tígí daaha tih : « Ngana looy ƴaal ! Ole, gaynde fa tali Yudaa, sédí Dawit daa ɓaŋ ; ɗi nay këcísé leewwi paana ya, kúnís téerëe. »
6 Filoon fi baaha, mi otte Har caŋke leelii ñaani nguur ka, mbínéeffí iniilla a ɓaha ya gíiwúté rí. Har fa man oolu oolo nen, lahte wic paana a íl paana yi daa Ruuh yi paana yi Koope, ƴee wolu feey fa ɓéeɓ rë.
7 Har fa acce ɓeɓpe téerëe yaꞌi ñamaa fi ɓëeꞌ took ñaana ra.
8 Ɓeyaꞌ ri téerëe rë, mbínéeffí iniilla a ɓaha yi sabay ana a iniilla (24) yípútée ƴek fíyí. Ow fi ow waa na ɓéeɓ hampe koraa a i annda úrís ƴi líiffé a cuuraay. Cuuraayi ƴaa nam daa maanam ɗaŋŋi ɓëewí Koope.
9 Wa na anuu ƴeek ƴeekaa has tabuu tih :
10 Fu tahte wa nonute Nguur ki Koope
11 Mi homilte maa yeel, mi keloh i un malaaka caak gíiwúté ñaani nguur ka, mbínéeffë a ɓaha ya. Wa madu pep feey nen caak,
12 ɓéyrúté unni wa sun na ƴeeku, tabuu tih :
13 Mi keliilte mbínéeffë ɓéeɓ : ƴee sun neh, ƴee feey fa neh, ƴee filiɓ feey fa neh, ƴee filiɓ kísí fë neh ; mbínéeffë ëldúnë ɓéeɓ na ƴeeku, tabuu tih :
14 Mbínéeffí iniilla tabuu : « Ɗémíin ! » Ɓaha ya na ƴeku na jaamiyuu rek.