1 “Kodwa manje bayangiklolodela,
2 Amandla ezandla zabo ayengangisiza ngani mina,
3 sebejujukile ngokuswela langendlala,
4 Enkotheni khonale bakha imibhida emunyu,
5 Baxotshwa ebantwini bakibo,
6 Kwasekumele bahlale ezihotsheni zezifula ezomileyo,
7 Bakhonya phakathi kwezihlahla
8 Base bengabantu abaphansi abangaselabizo,
9 Kodwa manje amadodana abo asengihaya ngengoma;
10 Bayangenyanya njalo bamela khatshana lami;
11 Khathesi njengoba uNkulunkulu eselithukulule idandili lami
12 Kwesokunene kwami ixuku liyangihlasela;
13 Badiliza indlela yami;
14 Bahlasela ingathi bafohlela esikhaleni esivulekileyo;
15 Ukwesaba okukhulu kungiphethe;
16 Manje impilo yami isincipha;
17 Ubusuku bugwaza amathambo ami;
18 Ngamandla akhe amakhulu uNkulunkulu unjengelembu kimi;
19 Ungivoxela edakeni,
20 Ngikhala kuwe, Oh Nkulunkulu, kodwa kawuphenduli;
21 Ungisukela ngesihluku;
22 Uyangihlwitha ngiphetshulwe ngumoya;
23 Ngiyazi ukuthi uzangilalisa phansi ekufeni,
24 Ngempela kakho ombeka isandla umuntu oswelayo
25 Kangibakhalelanga yini labo abahluphekileyo?
26 Kodwa ngathi ngilindele ubuhle, kweza ububi;
27 Ukudunguluka ngaphakathi kwami kakukhawuli;
28 Ngihamba nje ngimnyama kubi, kungesikutshiswa lilanga;
29 Sengingumfowabo wamakhanka,
30 Isikhumba sami siba mnyama, siyaxathuka;
31 Ichacho lami selilungiselwe isililo,