1 Lezi yizo izigaba zamadodana ka-Aroni:
2 Kodwa uNadabi lo-Abhihu bafa uyise engakafi, njalo babengelamadodana; ngakho u-Eliyazari lo-Ithamari yibo ababa ngabaphristi.
3 Ngokuphathisana loZadokhi owosendo luka-Eliyazari kanye lo-Ahimeleki owosendo luka-Ithamari, uDavida wabehlukanisa ngezigaba kusiya ngemisebenzi ababemele bayenze.
4 Babebanengi abosendo luka-Eliyazari abakhokheli kulabosendo luka-Ithamari ngakho behlukaniswa bamiswa njengalokhu: kwakusiba ngabalitshumi lesithupha kwabosendo luka-Eliyazari abazinhloko labayisificaminwembili kusendo luka-Ithamari.
5 Babakhetha kungelakubandlulula ngokuphosa inkatho, ngoba zazikhona izikhulu zendawo yokuphephela lezikhulu zikaNkulunkulu phakathi kwabosendo luka-Eliyazari laphakathi koluka-Ithamari.
6 Umlobi uShemaya indodana kaNethaneli, umLevi, waloba amabizo abo phambi kwenkosi kanye lezikhulu: uZadokhi umphristi, lo-Ahimeleki indodana ka-Abhiyathari kanye lenhloko zezimuli zabaphristi labaLevi, kuthathwa imuli eyodwa ku-Eliyazari kuphinde kuthathwe imuli eyodwa ku-Ithamari.
7 Inkatho yakuqala yadla uJehoyaribhi,
8 eyesithathu yadla uHarimu,
9 eyesihlanu yadla uMalikhija,
10 eyesikhombisa yadla uHakhozi,
11 eyesificamunwemunye yadla uJeshuwa,
12 eyetshumi lanye yadla u-Eliyashibi,
13 eyetshumi lantathu yadla uHupha,
14 eyetshumi lanhlanu yadla uBhiliga,
15 eyetshumi lesikhombisa yadla uHeziri,
16 eyetshumi lesificamunwemunye yadla uPhethahiya,
17 eyamatshumi amabili lanye yadla uJakhini,
18 eyamatshumi amabili lantathu yadla uDelaya,
19 Yizo lezi izigaba ababehlukaniswe ngazo ukuze benze umsebenzi wokukhonza ekungeneni kwabo ethempelini likaThixo, ngezimiso ezenzelwa ukhokho wabo u-Aroni, njengokulaywa kwakhe nguThixo, uNkulunkulu ka-Israyeli.
20 Kwathi-ke ababesele abosendo lukaLevi:
21 Kuvela kuRehabhiya, amadodana akhe yila: ngu-Ishiya engowokuqala.
22 Kuma-Izihari: nguShelomothi;
23 Amadodana kaHebhroni yila:
24 Indodana ka-Uziyeli: nguMikha;
25 Umfowabo kaMikha: ngu-Ishiya;
26 Amadodana kaMerari: nguMahili loMushi.
27 Amadodana kaMerari:
28 Kusuka kuMahili: ngu-Eliyezari, ongazange abe lamadodana.
29 Kusukela kuKhishi: indodana kaKhishi: nguJerameli.
30 Njalo lakumadodana kaMushi: nguMahili, lo-Ederi kanye loJerimothi.
31 Labo baphosa inkatho, njengalokhu okwenziwa ngabafowabo abosendo luka-Aroni, phambi kweNkosi uDavida loZadokhi, u-Ahimeleki, labayizinhloko zezimuli zabaphristi kanye lezabaLevi. Imuli yomfowabo omdala yaphathwa njengemuli yomfowabo omncinyane kulabo bonke.