1 Nelía cuali para timitzhueyichihuase, TOTECO,
2 Ica ijnaloc ma titepohuilica motaicnelilis pampa hueyi moyolo,
3 Ma tihuicaca huan ma titatzotzonaca ica nopa tatzotzonali cati itoca arpa, guitarra huan lira.
4 NoTeco Dios, ta nelía techchihuilijtoc miyac tamanti cati cuali,
5 ¡TOTECO, ta tijchihua huejhueyi tiochicahualnescayot!
6 Nopa masehualme cati huihuitique amo quimatij yon amo quimachilíaj.
7 Masehualme cati fiero ininemilis motananaj huan mohueyichihuaj ica tamanti cati amo cuali,
8 Pero ta tiTOTECO, mitzhueyitalijtose para nochipa pampa ta tiDios Cati Más Hueyi.
9 Xiquita nica itztoque mocualancaitacahua, pero nojquiya nica tiquintzontamiltis.
10 Pero na techmacas chicahualisti quej se toro cati nemi cuatita.
11 Niquitas quenicatza huetzise nocualancaitacahua.
12 Pero cati itztoque xitahuaque iixpa Toteco quipiyase chicahualisti.
13 Masehualme cati cuajcualme quipiyase chicahualisti quej cuame cati quintoctoque ipan ichaj TOTECO,
14 Huan quema nopa cuajcualme huehuejtiyase, noja quipiyase fuerza.
15 Huan ya nopa quinextis para TOTECO cati nechmocuitahuía quichihua cati melahuac.