1 Nimitzpaquilismacas, TOTECO, ica nochi noyolo.
2 Nijpiya hueyi paquilisti por ta,
3 Nocualancaitacahua cholojtehuase.
4 Pampa ta tiquinpanextilijtoc masehualme para niitztoc xitahuac moixpa.
5 Tiquinajhuas nochi masehualme ipan nochi talme cati amo mitzneltocaj.
6 Nocualancaitacahua miquise,
7 Pero TOTECO tanahuatis para nochipa.
8 Toteco quintajtolsencahuas xitahuac nochi talme ipan taltipacti huan inimasehualhua.
9 Nochi cati pilteicneltzitzi huelis motemachise ipan TOTECO huan yaya quinmocuitahuis.
10 Quena, TOTECO, nochi cati mitzixmatij motemachise ipan ta para tiquinpalehuis,
11 Xihuicaca huan xijpaquilismacaca TOTECO,
12 TOTECO quintzontamiltis cati temictíaj pampa quej nopa quinamiqui quincuepilis.
13 Techtasojta, TOTECO.
14 huan na nimitzpaquilismacas iniixpa nochi masehualme.
15 Mosisinijca masehualme ten nochi talme huetzise ipan nopa ostot cati inijuantijya quichijque.
16 TOTECO quichijtoc para nochi ma quimatica para yaya xitahuac tetajtolsencahua.
17 Nochi amo cuajcualme yase micta.
18 Pero Toteco amo quinelcahuas cati teicneltzitzi.
19 Ximotanana, TOTECO.
20 Xijchihua ma majmahuica, TOTECO.