1 TOTECO, ximohuijtzoma quentzi huan techtacaquili quema nimotatajtía.
2 NoTeco Dios, techmanahui pampa na nijchihua campeca para nijchihuas cati quiijtohuaj motanahuatilhua.
3 TOTECO, xijpiya hueyi moyolo ica na pampa nochi se tonal nimitztzajtzilijtoc,
4 Toteco, techmaca paquilisti pampa na san ta nimitzhueyichihua.
5 Toteco, ta nelía ticuali huan timoquetztoc timocualtalijtoc para titetapojpolhuis.
6 TOTECO, techtacaquili quema nimotatajtía.
7 Nimitztzajtzilis ipan nopa tonali quema nechajsis taohuijcayot,
8 Ipan nochi sequinoc cati quintocaxtíaj “dioses”,
9 Elqui ta cati tiquinchijchijqui nochi talme ica inimasehualhua.
10 pampa ta tahuel tihueyi huan tijchihua huejhueyi tamanti.
11 TOTECO, technextili moojhui huan nijtoquilis pampa san ya nopa temachti.
12 TOTECO Dios, nimitzpaquilismacas ica nochi noyolo huan nimitzhueyitalis para nochipa,
13 pampa tahuel hueyi motaicnelilis ica na,
14 Toteco Dios, miyac masehualme cati mohueyimatij huan cati mosisiníaj motanantoque para nechtehuise.
15 Pero ta Toteco nelía titetasojta huan hueyi moyolo.
16 Techtachili ica miyac taicnelijcayot huan techmaca chicahualisti na nimotequipanojca.
17 Xijnexti se tanextili para ta techcualita.