1 Toteco Dios, ¿para ten techtahuelcajtoc para nochipa?
2 Xiquelnamiqui para tojuanti timomasehualhua cati timocohui huejcajquiya quema titetequipanohuayayaj san tapic.
3 Xihuala xiquitaqui quenicatza quitamisosolojtoque nopa altepet,
4 Nopona tzajtzique mocualancaitacahua ica paquilisti quema tasosolojque.
5 Hualajque ica inihachas huan huejhueyi martillos hasta nesiyaya quej cuajcuahuini tatajco cuatitamit.
6 Huan ama ica ininteposhua quitapanque huan quisosolojtoque nochi tamanti cati ica tayejyecchijtoyaj motiopa.
7 Quena, motiopa quitatijque,
8 Huan quiijtojque ipan iniyolo:
9 Ayecmo onca yon se tamanti cati quinextía para timomasehualhua.
10 Toteco Dios, ¿hasta quema tamis mitzmahuispolohuaj mocualancaitacahua?
11 ¿Para ten tihuejcahua para techpalehuis?
12 Hasta ten huejcajquiya Toteco Dios eliyaya notanahuatijca.
13 Ica mochicahualis tijxelo hueyi at.
14 Tijtzonxamani nopa hueyi tapiyali cati itoca Leviatán,
15 Tijchijqui ma meya at ipan huejhueyi amelme huan para hueyame ma quipiyaca at.
16 Ta moaxca tonali huan yohuali.
17 Ta tijtamachijqui hasta canque tamis taltipacti.
18 TOTECO, xiquita quenicatza mitzmahuispolohuaj mocualancaitacahua,
19 ¡TOTECO, amo techtahuelcahua!
20 ¡Xiquelnamiqui nopa camanal sencahuali cati tijchijtoc ica tojuanti!
21 Amo xijcahua para talojtzitzi ma techmahuispoloca tojuanti cati tijpanotoque miyac taohuijcayot.
22 Toteco Dios, ximotanana huan ximomanahui ica cati quiijtohuaj mocualancaitacahua.
23 Amo xiquelcahua quenicatza mitztelchijtoque mocualancaitacahua,