1 ¡Ximotanana, Toteco Dios, huan xiquinsemana nochi mocualancaitacahua!
2 Xiquinixpolo quej pocti ixpolihui ipan ajacat.
3 Pero nochi masehualme cati itztoque xitahuaque ma paquica iixpa Toteco Dios huan ma huitonica ica paquilisti.
4 Xijhuicatica Toteco huan xijpaquilismacaca.
5 Toteco Dios yaya inintata cati icnotzitzi.
6 Toteco Dios quinmaca se familia cati itztoque iniselti.
7 NoTeco Dios, quema tiquinyacantiyajqui momasehualhua ten tali Egipto
8 nopa tali mohuiso huan huetzqui at ten ilhuicacti moixpa.
9 Toteco Dios, ta tijchijqui ma huetzi miyac at ipan ni tali cati tiquinmacac momasehualhua.
10 Yeca momasehualhua mocajque nica ipan ni tali.
11 Toteco quiijto para ya tatantoya,
12 “Cholojtejque nopa soldados cati hualajtoyaj para techtzontamiltise.”
13 Xiquitaca, masque quinmocuitahuiyayaj borregojme,
14 Toteco Dios Cati Quipiya Nochi Chicahualisti quinsemanqui icualancaitacahua quej nopa tasesecayot cati huetzi ipan tepet Salmón.
15 Nochi nopa tepeme cati huejcapantique cati mopantíaj ipan tali Basán iaxcahua Toteco huan nelía cuajcualtzi inintzonatipa,
16 pero ma amo mochicoitaca ica nopa Tepet Sion cati TOTECO quitapejpenijtoc para ipan itztos para nochipa.
17 Toteco Dios quisqui ipan tepet Sinaí ica millones icuacarrojhua huan iilhuica ejcahua.
18 Quema Toteco tejcoc ilhuicac campa más huejcapa,
19 Ma tijpaquilismacaca Toteco,
20 Toteco Dios, yaya cati techchololtía inimaco tocualancaitacahua.
21 Temachti Toteco quintzontamiltis nochi icualancaitacahua,
22 Toteco quinilhuijtoc imasehualhua:
23 Niquinhualicas pampa monequi nochi anquintzontamiltise.
24 NoTeco Dios, tinotanahuatijca,
25 Inijuanti cati huicaj tayacantiyahuij.
26 Huan quej ni huicaj:
27 Tayacantiyahuij iixhuihua Benjamín.
28 Toteco Dios, ica mohueyi chicahualis xijchihua nochi cati techilhuijtoc.
29 Nopa tanahuatiani ten nochi talme quihualicaj iniofrendas ipan motiopa cati eltoc ipan altepet Jerusalén.
30 Toteco Dios, xiquinajhua tocualancaitacahua.
31 Nopa Egipto ehuani quinhualicase inintelpocahua huan nochi tamanti ininteposhua cati cuajcualtzitzi huan pajpatiyo.
32 Nochi antanahuatiani ipan nochi ni taltipacti,
33 Yaya cati nentinemi ipan nopa ilhuicacti cati hasta huejcajquiya eltoc.
34 Xiquinpohuilica nochi masehualme quenicatza hueyi ichicahualis Toteco Dios.
35 Ma tijhueyitepanitaca Toteco Dios pampa temajmati ihueyitilis nopona ipan itiopa.