1 ¡Toteco Dios, ta tinoDios!
2 Nijnequi niquitas mochicahualis huan mohueyitilis quej niquitac ipan motiopa.
3 Pampa motaicnelijcayo más hueyi ipati huan amo nonemilis.
4 Huan nochi tonali quema noja niitztos, nimitztiochihuas.
5 Huan huajca, quena, nijmatis quej elisquía ya niixhuic ica se tacualisti cati ajhuiyac.
6 Nochi yohuali quema nimoteca ipan notapech huan amo hueli nicochi,
7 Nimoilhuía quenicatza techpalehuijtoc huan yeca sese tayohua tahuel nipaqui.
8 Nimotatzquilijtoc ipan ta pampa san ta techmocuitahuía ica mohueyi chicahualis.
9 Nochi cati quinequij nechmictise yase micta.
10 Pampa ya eltoc tasencahuali para miquise,
11 Pero na nitanahuatijquet nimopaquilismacas ipan ta, Toteco Dios.