1 Toteco Dios, ta techhuejcamajcajtoc huan ayecmo tijmatij taya tijchihuase.
2 Ni tali tijchijqui ma huihuipica ica majmajti.
3 Tijchijtoc para tojuanti timomasehualhua ma tijpanoca huejhueyi taijyohuilisti.
4 Pero ama techmacatoc nochi tojuanti cati timitzimacasij huan timitztepanitaj quej se bandera campa timosentilise.
5 Technanquili huan techmanahui nochi tojuanti cati techicnelía.
6 Toteco Dios, yaya cati itztoc ipan ichaj nepa ilhuicac quiijtojtoc:
7 Huan nopa tali Galaad huan Manasés nojquiya noaxcahua.
8 Cati itztose ipan tali Moab elise notequipanojcahua cati teicneltzitzi.
9 ¿Ajquiya nechchihuas ma nicalaqui ipan nopa altepeme cati moyahualtzactoque ica tepamit ipan tali Edom?
10 San ta techyacanas ipan tatehuilisti, noTeco Dios.
11 Quena, Toteco Dios, techpalehuis para tiquintanise tocualancaitacahua,
12 Ica itapalehuil Toteco Dios tijchihuase huejhueyi tamanti.