1 TOTECO, amo techtaijyohuilti quema ticualani.
2 Miyac nechcocohua cati amo cuali nijchijtoc.
3 Huan pampa ticualani pampa nitajtacolchijtoc,
4 Nochi notajtacolhua huetztoc nopani.
5 Palani notacayo pampa nijchijqui se huihuiyot.
6 Nicuitapanhuitoltic huan amo hueli nijtanana notzonteco.
7 Nochi notacayo tiquisa.
8 Nimomati quej nitatejtejtzonti.
9 NoTeco, ta tijmati quenicatza nijnequi sempa niitztos cuali moixpa.
10 Noyolo nelhuihuipica,
11 Nonelhuampoyohua huan noteixmatcahua san nechhuejcaitaj, pampa quiijiyaj nococohua.
12 Inijuanti cati quinequij nechmictise quisencahuaj taquetzti para nechmasiltise.
13 Pero na nimochihua quej amo nijcaqui cati quiijtohuaj.
14 Quena, na nimochihua quej amo nijcaqui inincamanal,
15 Pampa san ipan ta nimochiya, TOTECO, tinoDios.
16 San nimitztajtanía para amo xiquincahuili ma noca huetzcaca.
17 Nijmati nimiquis pampa tacuajcualoli amo nechcahua yon se talojtzi.
18 TOTECO, nijnequi nimitzpanextilis nochi notajtacolhua,
19 Nocualancaitacahua momiyaquilijtoque huan moyoltetilijtoque.
20 Masque cati cuali niquinchihuilijtoc, nechcuepilijtoque ica cati fiero.
21 NoTeco Dios, amo techcajtehua noselti.
22 ¡Toteco! Xihuala nimantzi techpalehuiqui, ta tinotemaquixtijca.