1 Xihuicaca ica paquilisti para TOTECO amojuanti cati anitztoque xitahuac iixpa.
2 Xitatzotzonaca ica arpa para xijhueyichihuaca, TOTECO.
3 Xijsencahuaca se huicat cati yancuic,
4 Pampa nelía xitahuac nochi cati quiijtohua TOTECO.
5 TOTECO quipactía nochi cati xitahuac huan cati melahuac.
6 TOTECO tanahuati ma onca ilhuicacti huan mochijqui.
7 Yaya quisejcotili nochi at cati eltoc ipan hueyi at.
8 Nochi antaltipac ehuani xijhueyitepanitaca TOTECO.
9 Pampa nochi cati yaya quiijto,
10 TOTECO quinsosolhuilía inintalnamiquilis masehualme ipan campa hueli talme para amo ma quichihuaca cati fiero moilhuijtoque.
11 Pero cati TOTECO moilhuijtoc quichihuas amo quema mopatas.
12 Paquij masehualme ipan nopa tali cati motemachíaj ipan TOTECO.
13 TOTECO cati itztoc nepa ilhuicac techhualtachilijtoc nochi timasehualme.
14 Hasta nepa ipan ilhuicac TOTECO techtachilijtoc cati tiitztoque ipan ni taltipacti.
15 Yaya TOTECO cati quichijchijqui toyolo nochi titaltipac ehuani huan quitachilía nochi cati tijchijtinemij.
16 Se hueyi tanahuatijquet amo tatani pampa quinpiya miyac isoldados.
17 Amo ximotemachi ipan se cahuayo para mitzmanahuis masque nelía tetic.
18 Pero TOTECO, quena, yaya nochipa techtachilijtoc tojuanti cati tiquimacasij tiquixpanose.
19 Techmanahuía quema tiitztoque nechca miquilisti.
20 Tojuanti ipan toyolo timotemachíaj ipan TOTECO.
21 Yeca ma tiyolpaquica ipan TOTECO,
22 TOTECO, xijpiya moyolo ica tojuanti,