1 TOTECO, techtajtolsencahua.
2 Techyoltachili, TOTECO,
3 Pampa na nijpatiita motaicnelilis, huan nochipa nijtoquilía mocamanal cati melahuac.
4 Amo quema ninejnentoc inihuaya masehualme cati tacajcayahuaj,
5 Nijcualancaita inintasentilis amo cuajcualme.
6 Tapajpacti nomax ten nochi tajtacoli,
7 Nepa nihuicas huicat para nimitzhueyitalis huan niteyolmelahuas nochi cati cuajcualtzi cati ta tijchijtoc.
8 Tahuel niquicnelía mochaj campa tiitztoc, TOTECO,
9 Amo techchihuili quej tiquinchihuilía tajtacolchihuani huan temictiani.
10 Inijuanti quisencahuaj quenicatza huelis tetacuijcuilise.
11 Pero na ninemi xitahuac.
12 TOTECO, nimitzhueyichihua miyacapa.