1 Nelía niquicnelía TOTECO pampa yaya nechtacaquilía quema nimotatajtía huan nechnanquilía.
2 Huan pampa mohuijtzoma huan nechnanquilía,
3 Nechyahualojtoya miquilisti.
4 Huajca nijtzajtzili TOTECO huan niquilhui:
5 ¡TOTECO nelía cuali iyolo!
6 TOTECO quinmocuitahuía cati moechcapanohuaj huan itztoque quej coneme.
7 Ama huelis nimosiyajquetzas pampa TOTECO nechchihuilijtoc cati cuali.
8 Nechmanahuijtoc imaco miquilisti,
9 Ipan ni taltipacti campa itztoque masehualme,
10 Na nijneltocayaya Toteco, huajca niquijto:
11 Huan quema ayecmo nijmatiyaya taya nijchihuas, niquijto:
12 Huan ama ya niitztoc cuali.
13 Nijhualiquilis xocomecat iayo quej se tacajcahualisti,
14 Miyacapa nijhualiquilis TOTECO nopa tacajcahualisti cati nijtajtolcahuili nijmacas.
15 TOTECO quiita para tahuel ipati ininemilis imasehualhua cati quinicnelía,
16 TOTECO, na nimotequipanojca,
17 Nimitzpaquilismacas huan nimitztascamatis huan ta tiquitas quej elisquía se tacajcahualisti.
18 Miyacapa nijhualiquilis TOTECO nopa tacajcahualisti cati nijtajtolcahuili nijmacas.
19 Quena, nijmacas TOTECO nopona ipan icalixpa ichaj cati eltoc ipan altepet Jerusalén.