1 ¡Miyac paquilisti quipiya nopa masehuali cati quiimacasi TOTECO!
2 Iniixhuihua ni masehualme quipantise tatepanitacayot campa hueli,
3 Ipan ichaj se masehuali cati quintepanita itanahuatilhua Toteco,
4 Ni masehuali itztoc quej se taahuili cati taahuía ipan tzintayohuilot.
5 Se tacat cati cuali iyolo tetasojta huan tetanejtía cati quipiya.
6 Se tacat cati quej ni quichihua,
7 Yaya amo majmahui masque quiyolmelahuaj se camanali cati temajmatía,
8 Yaya quipiya temachili ipan iyolo huan amo majmahui.
9 Yaya quinpalehuía miyac cati teicneltzitzi huan cati amo teno quipiyaj.
10 Quema nopa fiero masehualme quiitase ni cuali tacat huan quenicatza masehualme quitepanitaj,