1 Huajca quema Jonás itztoya iijtico nopa michi, motatajti ica TOTECO Dios,
2 huan quiijto:
3 Techmajcajqui hasta tatzinta campa más huejcata ipan hueyi at.
4 Hasta nimoilhuiyaya para techtahuelcajtoya.
5 Techatzonpolihuilti hueyi at hasta campa más huejcata,
6 Nitemotoya hasta itzinta nopa tepet cati eltoc tatzinta ten hueyi at.
7 Quema nimoilhui tamisquía nonemilis, nimitzelnamijqui, noTECO. Huan quema nimotatajti, techcajqui hasta ipan mochaj nopona campa tatzejtzeloltic.
8 Huihui masehualme cati quinhueyichihuaj taixcopincayome cati amo Dios mitztahuelcajtoque, TOTECO, ta cati tiquinchiya ica taicnelijcayot.
9 Pero na nimitztascamati por cati techchihuilijtoc.
10 Huajca quema Jonás ya tantoya motatajtía, TOTECO quinahuati nopa hueyi michi ma quiisota Jonás xalixco. Huan quej nopa quichijqui.