1 “Nojquiya xihuicaca ni mijca huicat cati amechpohuilía se huicalot ten nopa tanahuatiani ten israelitame.
2 Quej ni xihuicaca:
3 Elqui quej nopa sihua tecuajquet quiiscalti se icone ica miyac tamocuitahuili,
4 Huan nopa sequinoc talme quicajque ten ya,
5 Huan quema nopa sihua tecuajquet quiitac para cati quinequiyaya ma quichihua nopa achtohui icone ayecmo cuali quisas,
6 Huan yaya nejnenqui ica sequinoc leones huan mochijqui se cati más tayacanquet para tanahuatis.
7 Yaya quinsosolhuili miyac ininchajchaj tanahuatiani ipan campa hueli talme cati mocahuayayaj inechca.
8 Huajca nopa soldados ten nochi tali quiyahualojque,
9 Huan ica tepos chijcoli quihuahuatatzque huan quicalaquijque ipan se cuacali cati tzactoc quej para se tapiyali.
10 O huelis tiquijtose para monana, cati quinnextía nopa israelitame, elqui quej se xocomeca tzonti cati toctoc atenti.
11 Ten imacuayohua quisqui cuajcuali cuatopili para tanahuatiani.
12 Pero hualajque cati quihuihuitaque nopa xocomecat,
13 Huan ama nopa xocomeca tzonti cati quinextía nopa tanahuatijquet oneltoc ipan se huactoc tali ten Babilonia,
14 Huan ipan imacuayohua quisqui se hueyi tit cati quitamitati itajca.