1 Huajca Moisés inihuaya nopa israelitame huicaque ni huicat para TOTECO:
2 TOTECO techchijtoc ma nihuica ica paquilisti.
3 TOTECO ya nopa tatehuijquet cati más quipiya chicahualisti.
4 Quinisahuilti ipan hueyi at nopa tatehuijca carrojme,
5 Huetzque hasta atatzinta quej teme.
6 ¡Ay, TOTECO! Tijpiya hueyi chicahualisti,
7 Huan ica mohueyi chicahualis tiquinpolo cati motalijque moixpa.
8 Chicahuac tiquilpitzqui nopa hueyi at,
9 Tocualancaitacahua mohueyimatque huan quiijtojque:
10 Pero ta, TOTECO, titailpitzqui, huan nopa hueyi at quintolo.
11 ¡Ay TOTECO! Amo aqui seyoc Dios cati ica huelis timitzhuicalotise.
12 Titenextili mochicahualis, huan quintolo nopa tali.
13 Ica moteicnelijcayo techyacanas tojuanti timomasehualhua cati techmaquixtijtoc.
14 Nochi tacame ipan nochi talme huihuipicase quema quimatise cati tijchijtoc.
15 Huan nopa tayacanani ten soldados ipan tali Edom, yon amo huelis taijyotilanase.
16 Hueyi majmajti quinajsis.
17 ¡Ay TOTECO! Techhuica para tiitztotij ipan motepe cati tatzejtzeloltic.
18 TOTECO, titanahuatis para nochipa.”
19 Quema itatehuijca carrojhua Faraón huan icahuayojhua huan cati ipan tejcotoyaj calajque ipan hueyi at, TOTECO quichijqui nopa hueyi at ma quinhuica. Pero nopa israelitame quiixcotonque nopa hueyi at ipan se ojti huactoc.
20 Huajca nopa sihua tajtolpanextijquet María, ihuelti Aarón, quicuic se tepos tatzilinti, huan nochi israelita sihuame quitzilinijtiyahuiyayaj nopa tepos tatzilinti, huan huicayayaj, huan mijtotiyayaj.
21 Huan María huicayaya huan quinnanquiliyaya ica ni camanali:
22 Huan Moisés quinyacanqui nopa israelitame huan quistejque ten nopa Hueyi At Chichiltic, huan yajque ipan nopa huactoc tali itoca Shur. Huan nejnenque para eyi tonati pero amo quipantiyayaj at.
23 Huan quema ajsitoj campa se ameli cati itoca Mara, amo huelque quiique nopa at cati oncayaya nopona pampa eliyaya chichic. Yeca nopa ameli quitocaxtijque Mara cati quinequi quiijtos “chichic”.
24 Huan nopa israelitame pejque cualancamanaltij ica Moisés, huan quiijtohuayayaj: “¿Taya huelis tiquise?”
25 Huajca Moisés quitajtani TOTECO itapalehuil para quimatis taya quichihuas, huan TOTECO quinextili se cuamacuayot. Huan Moisés quimajcajqui nopa cuahuit ipan at, huan nopa at mocuetqui se cuali at.
26 Quinilhui: “Sinta anquitacaquilise cati niamoTECO Dios nimechilhuía, huan anquichihuase cati xitahuac noixpa huan anquineltocase notanahuatil, amo nimechtitanilis yon se cocolisti cati nijtitanqui ipan nopa egiptome, pampa na niamoTECO Cati Nimechchicahua.”
27 Huan teipa nopa israelitame ajsitoj Elim campa oncayaya doce ameli huan 70 palma cuame, huan nopona nechca at quiquetzque iniyoyoncalhua.