1 Nbɩɩnbɩɩ asɩn mʋ nɩɩ an tɔwɛ falɛ kpini mʋ ɩ gyɛ yɛ, an sʋ Ɩbwaarɛ oseepu bɩlɩsa asɛ mʋ nɩɩ ɔ tɛ Ɩbwaarɛ kuwura‐gya lala mʋ gyisa sʋ sʋsʋ.
2 Nɩɩ ee sun kiseepu kusun opula kyɩrɛkyɩrɛkpa kɩkyɩrɛkyɩrɛ mʋ tɔ, nɩɩ kɩ gyɛ tantɩ kubuu gbaa‐gbaa mʋ nɩɩ kɩ bʋ sʋsʋ mʋ. Nɩɩ Ɔnyɩrɩpɛ Ɩbwaarɛ gbaa‐gbaa i yii kɩmʋ, man gyɛ nyɩmɩsa.
3 Bɛɛ lɛɛ Ɩbwaarɛ oseepu bɩlɩsa asɛ kʋmaa nɩmʋ yɛ ɔ baa ɔ sʋ nkɛɛ yɛ atɔbwaaya kɔlɔŋɔ ɛɛ sa Ɩbwaarɛ. Ɩmʋ sʋ ɩ dagaa fɛɛ anɛ oseepu bɩlɩsa asɛ Krisito nɩmʋ gbaa maa nyɛ kʋtɔ kʋ taa lɔŋɔ sa Ɩbwaarɛ.
4 Nɩɩ ɔ dɩn ɔ bʋ kasɛ sʋ nɩn, naafɔɔ ɔ mɛɛ yɛ ɔ baa ɔ gyɛ Ɩbwaarɛ oseepu kpini‐kpini. Lɩɩ fɛɛ bamʋ nɩɩ bee gyii Ɩbwaarɛ aseepu mʋ, ba wʋla ba bʋ tɔ bɛɛ lɛɛ saraga fɛɛ kanan mʋ nɩɩ Mosesi nbara mʋ ɩ kaapʋ mʋ.
5 Nɩɩ kasɛ sʋ Ɩbwaarɛ aseepu kusun mʋ gyɛ sʋsʋ lɛɛ mʋ keduli nɩn, man gyɛ kɩmʋ gbaa‐gbaa nɩn. Kanɩn sʋ saŋa mʋ nɩɩ Mosesi ii biti o yii Ɩbwaarɛ tantɩ kubuu mʋ, Ɩbwaarɛ da mu kumu tɔ tɔwɛ mʋ yɛ, “Kɩɩ sʋ, kɛ fu yii mi osunkpa tantɩ kubuu mʋ kyɛɛkyɛɛ fɛɛ kanan mʋ nɩɩ n kaapʋ fʋ kɩbɩɩ mʋ sʋ mʋ.”
6 Amaa Yesu gyii kiseepu kusun mʋ nɩɩ kɩ bʋrɔn gaa kɩ kyɔ Ɩbwaarɛ aseepu banban mʋ lɛɛ. Nɩɩ katɔwɛ kyula pʋpwɛ mʋ nɩɩ Yesu waa yɩla anaa Ɩbwaarɛ nsana mʋ gbaa, kɩ bʋrɔn kɩ kyɔ kɩdɩdaa mʋ, nɩɩ kɩ bɩla kɩ sʋ kɔkɔlɔ kɩda danbɩrasa kɩ kyɔ kɩdɩdaa mʋ. Tantɩ kubuu mʋ nɩɩ naana Mosesi yii mʋ, falɛ nɩɩ ki du|src="BA03004BW.TIF" size="span" loc="Heb 8:5" ref="8:5"
7 Fɛɛ nɩɩ katɔwɛ kyula dɩdaa mʋ nɩɩ Ɩbwaarɛ waa maa asa nsana, nɩɩ kɩ daa ki du kyɛɛkyɛɛ nɩn, naafɔɔ ɩ man tiri sa Ɩbwaarɛ fɛɛ ɔ bɩla waa kɩnyɔsapʋ mʋ.
8 Amaa Ɔnyɩrɩpɛ Ɩbwaarɛ wu alibi lɩɩ asa mʋ sʋ, nɩɩ ɔ tɔwɛ yɛ,
9 Nɩɩ kɩ mɛɛ yɛ kɩ baa ki du fɛɛ katɔwɛ kyula
10 Nkɛ mʋ nɩɩ ii biti ɩ ba falɛ tɔ mʋ, ɩnɩmʋ ɩ gyɛ
11 Nɩɩ ɔkʋ ɩ gyɛ ɔkʋ man bɩla yɛ ɔ kaapʋ mʋ tɔmaa
12 N biti n taa bamʋ alibi kɛɛ bamʋ,
13 Nɩɩ Ɩbwaarɛ maa tɔwɛ lɩɩ katɔwɛ kyula pʋpwɛ mʋ sʋ mʋ, ɩɩ kaapʋ fɛɛ katɔwɛ kyula gyankpaasa mʋ kɩ waa kɩdɩdaa. Nɩɩ kʋtɔ kʋmaa mʋ nɩɩ kɩ ba waa kɩdɩdaa, nɩɩ kɩ man sʋ kyaarɛ mʋ, kii biti kɩ ba fɔyɩ.