1 O Ekiam, nɨ bar guizbangɨra en dɨpenir, e aven itimɨn mɨn itima,
2 Nɨ tɨghar mɨghsɨaba ko nguazir kamɨn ingaram, nɨ Godɨn ikia kamaghɨra iti.
3 Nɨ nguazimɨn gumazamizibagh amima, me arɨmɨghira ua ghua nguazim gava.
4 Nɨn nɨghnɨzim 1,000plan azeniba, da mati aruer vamɨra.
7 Nɨ adarim en ikia, e gasɨghasɨsi.
8 Nɨ en arazir kuraba bar adar gari.
9 Nɨn adarim, e nguazimɨn itir ikɨrɨmɨrir kamɨn dughiam otefe.
10 E 70plan azenibar iti, e gavgavigh 80plan azenibar ikiam.
11 Tinara nɨn adarir ekiamɨn gavgavim gɨfo?
12 Nɨ deragh en sure damutɨ, e uan ikɨrɨmɨrimɨn dughiam gɨfogham, an otefe.
13 O Ikiavɨra Itir God, nɨn anɨngagharir kam ti dughiar ruarimɨn ikɨvɨra ikiam, o?
14 Nɨ zurarama en apangkufi.
15 Nɨ faragha azenir avɨribar osɨmtɨzim e ganɨngi.
16 E nɨn ingangarir gumaziba, nɨ uan ingangarir gavgaviba en akagh.
17 O Ekiam, nɨ en God, e kamaghɨn ifonge, nɨ en apangkuvigh deraghvɨra e damu.