1 Kɨ osemegha uabɨn akurvaghasa arava God ko mɨgei.
2 Osɨmtɨziba na bativir dughiaba,
3 Kɨ God gɨnɨghnɨgha nan navim arai.
4 God na gamima kɨ dɨmagaribar akuir puvatɨ.
5 Kɨ dughiar fomɨra ghueziba ko, azenir fomɨra ghuezibagh nɨghnɨsi.
6 Kɨ dɨmagaribar uan onger akar kam gɨnɨghnɨsi.
7 “Ekiam zurara akɨrim ragh na gasam o?
8 An apangkuvir arazim nan ikiavɨra iti, o puvatɨ?
9 God en akurvaghasa ua nɨghnɨsi o puvatɨ?
10 Kɨ nɨghnɨzir kam gamua nan navim na baseme.
11 O Ikiavɨra Itir God, kɨ dɨgavir kuram gamir araziba ko,
12 Kɨ guizbangɨra dɨgavir kuram gamir araziba ko,
13 O God, arazir nɨ amiba, da bar deragha guizbangɨra zue.
14 O God, nɨrara mirakelbagh amua,
15 Nɨn gavgavimra nɨ uan gumazamizibar akuragha me ini.
16 O God, fomɨra dɨpaba nɨn gara nɨn atiati.
17 Ezɨ amozir ekiaba izaghirima,
18 Nɨn arariba amɨnir ekiamɨn tongɨn dagarvasi.
19 Nɨ ongarir torimɨn arua zuima,
20 Nɨ sipsipbar garir gumazimɨn mɨn, gumazamizibar faragha ghua me inigha zui.